ԵՐԵՎԱՆ, 28 օգոստոսի — Sputnik. Պոկերի արքա Դեն Բիլզերյանի ընկերուհին` Սայլեն Մեդեյրոսը, Instagram-ի իր սթորիզ բաժնում մի քանի լուսանկար է հրապարակել։
Երևում է, որ զույգը թեժ երեկո է ունեցել` շոգեբաղնիք, մերսման սրահ, ռեստորան։ Նա գրել է, որ հիացած է հայերով և նրանց հյուրընկալությամբ։
«Անկեղծ, ես ընդամենը 24 ժամ եմ այստեղ և արդեն սիրահարվել եմ Հայաստանին։ Այնքան գեղեցիկ երկիր է, ուտելիքը` անհավանական համեղ, մարդիկ` բարեհամբույր։ Շնորհակալություն նման հյուրընկալության համար», — գրել է նա։
Մեդյրոսը չի դիմացել և կարմիր լողազգեստով լուսանկար է հրապարակել։
Բիլզերյանը Հայաստան է ժամանել օգոստոսի 27-ի առավոտյան մասնավոր ինքնաթիռով։
«Զվարթնոց» օդանավակայանում նրան դիմավորել են լրագրողներն ու երկրպագուները։ Նա հասցրել է հայկական անձնագիր ստանալ, զբոսնել Հայաստանի մայրաքաղաքում։
Զբոսանքի ժամանակ նրան ուղեկցել են երկու գեղեցկուհիներն ու ՀՀ երկրորդ նախագահ Ռոբերտ Քոչարյանի կրտսեր որդին` Լևոնը։
Երեկ` օգոստոսի 27-ին, նրանք մեկնել են Սևան, որտեղ Բիլզերյանի ընկերուհին լուսանկարվել է Սիրուշոյի հետ։
