ԵՐԵՎԱՆ, 29 օգոստոսի — Sputnik. «Մատչ TV» հեռուստաընկերության մարզական մեկնաբան Նոբել Առուստամյանը ռուսական ՏԷՖԻ ազգային մրցանակի հավակնորդներից է։ Այս մասին նշված է մրցանակաբաշխության կայքում։
Հայտնի մեկնաբանը հավակնում է մրցանակ ստանալ «Մարզական հաղորդման վարող/մարզական մեկնաբան» անվանակարգում։
Բացի Առուստամյանից, այս անվանակարգում ներկայացվել են նաև Դմիտրի Շնյակինը, Ռոման Գուտցայտը («Տոտալ ֆուտբոլ», Մատչ TV), Վլադիմիր Ստոգնիենկոն («Ռուսաստանի ֆուտբոլ», Ռոսիա 24)
Հեղինակավոր մրցանակի հավակնորդների թվում են նաև Դմիտրի Գուբերնիևը (Բիաթլոն Դմիտրի Գուբերնիևի հետ, Մատչ TV) և Տատյանա Տարասովան (Օլիմպիական խաղեր, ազատ ծրագիր, կանայք, Առաջին ալիք)
Նշենք, որ ՏԷՖԻ մրցանակի հանձնման հանդիսավոր արարողությունը տեղի կունենա 2018 թվականի հոկտեմբերի 3-ին։
