ԵՐԵՎԱՆ, 5 սեպտեմբերի — Sputnik. Հետազոտողները եզրակացրել են, որ Լեոնարդո Դա Վինչիի հայտնի կտավում պատկերված կինն առողջական լուրջ խնդիրներ է ունեցել։ Այս մասին հայտնում է Mayo Clinic Proceeding ամերիկյան պարբերականը։
Բժիշկները վստահեցրել են, որ Մոնա Լիզան վահանաձև գեղձի անբավարարվածություն է ունեցել, իսկ դրա պատճառը, ամենայն հավանականությամբ, հղիությունն է եղել։
Լեոնարդո Դա Վինչիի «Մոնա Լիզան» կամ «Ջոկոնդան» աշխարհի ամենահայտնի կտավներից է։ Համարվում է, որ նկարիչը պատկերել է Ֆլորենցիայի վաճառականներից մեկի կնոջը։
Սա առաջին դեպքը չէ, երբ նկարի հերոսուհու մոտ հիվանդություն են ախտորոշում։ 2004 թվականին բելգիացի ռևմատոլոգների ու էնդոկրինոլոգների խումբը Լիզայի մոտ քսանտելազմա էին հայտնաբերել (գոյացություններ կոպերի վրա, որոնք կանանց մոտ առաջանում են նյութափոխանակության խախտման ժամանակ) ու ճարպուռուցք (ճարպային հյուսվածքի բորբոքում)։
