Փաշինյանը Կրեմլում ասել է` այսօր շատ խնդիրներ կլուծենք

© Sputnik / Asatur YesayantsВстреча премьер-министра Армении Никола Пашиняна и президента России Владимира Путина (8 срнтября 2018). Москвa
Встреча премьер-министра Армении Никола Пашиняна и президента России Владимира Путина (8 срнтября 2018). Москвa - Sputnik Արմենիա
Հայաստանի վարչապետ Նիկոլ Փաշինյանը հանդիպել է Ռուսաստանի նախագահ Վլադիմիր Պուտինի հետ: Կրեմլում մեկնարկել է երկու պետությունների ղեկավարների բանակցությունը:

ԵՐԵՎԱՆ, 8 սեպտեմբերի — Sputnik, Մարիա Շելուդյակովա. Հակառակ այն հոռետեսության, որն առկա է հայկական և ռուսական ԶԼՄ-ներում, հայ-ռուսական հարաբերությունները դինամիկ և բնական կերպով զարգանում են, հայտարարեց Հայաստանի վարչապետ Նիկոլ Փաշինյանը՝ սկսելով բանակցությունները ՌԴ նախագահ Վլադիմիր Պուտինի հետ:

Փաշինյանը Կրեմլում բանակցությունները սկսեց շնորհավորանքից: Նա նշեց, որ հանդիպումը տեղի է ունենում Մոսկվա քաղաքի օրը, որն ավանդաբար նշվում է սեպտեմբերի առաջին շաբաթ օրը. «Զգում եմ, որ մեծ տոն է լինելու: Ուրախ եմ, որ իմ աշխատանքային այցը տեղի է ունենում նման մթնոլորտում: Սա արդեն իմ երրորդ այցն է: Նման կանոնավորությունն ընդգծում է երկրների միջև հարաբերությունների և մեր անձնական հարաբերությունների հիանալի բնույթը»:

Միաժամանակ Փաշինյանն ընդգծեց, որ Ռուսաստանի և Հայաստանի հարաբերություններում կան խնդիրներ, բայց համոզմունք հայտնեց, որ բանակցությունների ընթացքում դրանցից շատերը կլուծվեն:

«Աստված մի արասցե, այնպիսի իրավիճակ լինի, երբ ոչ մի հարց չլինի: Դա կնշանակի, որ հարաբերություններ արդեն չկան: Ռուսաստանը և Հայաստանը չունեն չլուծված խնդիրներ: Մեր երկրները հիմնվում են միմյանց շահերը հարգելու և միմյանց գործերին չմիջամտելու սկզբունքի վրա: Մենք տրամադրված ենք հարաբերությունների հետագա զարգացմանը, ոչ միայն երկկողմ, այլ նաև ԵԱՏՄ և ՀԱՊԿ շրջանակում»,- ասաց նա:

Հիշեցնենք, որ Փաշինյանը Մոսկվա է մեկնել այսօր։ Նա անմիջապես ուղևորվել է Կրեմլ, որտեղ հանդիպել է ՌԴ նախագահ Վլադիմիր Պուտինի հետ։ 17։00-19։00-ն հանդիպում է նախատեսված Ռուսաստանում բնակվող հայ գործարարների հետ։

Փաշինյանը Մոսկվայից Երևան կվերադառնա այսօր երեկոյան։

ՀՀ վարչապետի այս այցը երկրորդն է։ ՌԴ նախագահ Վլադիմիր Պուտինն ու ՀՀ կառավարության ղեկավար Նիկոլ Փաշինյանը բանակցություններ են ունեցել Սոչիում մայիսի 14-ին ԵԱՏՄ երկրների ղեկավարների համար նախատեսված գագաթնաժողովի շրջանակում։ Հաջորդ հանդիպումը տեղի է ունեցել Մոսկվայում հունիսի 13-ին, այն ժամանակ Նիկոլ Փաշինյանն այցելել էր Ֆուտբոլի աշխարհի առաջնության բացման արարողությանը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала