Տեսանյութում երևում է, որ նրանք ուրախ ձայներ են հանում` մտածելով, որ մի մեծ բան են բռնել։ Բայց պարզվում է ամեն ինչ ավելի զվարճալի ավարտ է ունենալու։
Երբ արդեն որսը մակերեսին է հայտնվում, ջրի մեջ երևում են սև կետեր, և ակնհայտ է դառնում, որ դա ութոտնուկ է: Աղջիկը բարձրացնում է ձկնորսական կարթը, որի միջից ինչ-որ սև բան է դուրս թռչում։
Երբ օպերատորը հայտնվում է տեսախցիկի առաջ, պարզ է դառնում, որ ութոտնուկը վերջին պահին «թքել» է իր թանաքը անմիջապես ձկնորսի դեմքին:
Ութոտնուկները նետում են իրենց սեփական «թանաքը» իրենց որսել ցանկացողների վրա։ Այդ քայլով նրանք թշնամուն անկառավարելի են դարձնում, խաթարում նրա հոտի զգացողությունն ու տեսողությունը և հաջողացնում ճողոպրել վտանգից։
