«ԱԺ-ն մեղավոր չէ, որ ձեր կառավարությունը չունի հստակ տնտեսական զարգացման ծրագիր». Աշոտյան

© Sputnik / Asatur YesayantsЗаседание парламента посвященное взлету цен
Заседание парламента посвященное взлету цен - Sputnik Արմենիա
Բաժանորդագրվեք
ՀՀԿ փոխնախագահը ֆեյսբուքի իր էջում անդրադարձել է Նիկոլ Փաշինյանի այն մոտեցմանը, թե ԱԺ արտահերթ ընտրությունները կարող են ներդրողների համար ազդանշան դառնալ:

ԵՐԵՎԱՆ, 27 սեպտեմբերի — Sputnik. Վարչապետ Նիկոլ Փաշինյանի հեղինակությամբ իշխանական քարոզիչները արտահերթ խորհրդարանական ընտրությունների գաղափարը հիմնավորելու համար հիմա էլ փորձում են առաջ բերել տնտեսական փաստարկներ: Այս մասին ֆեյսբուքի իր էջում գրել է ՀՀԿ փոխնախագահ Արմեն Աշոտյանը:

Митинг на площади Республики (2 мая 2018). Еревaн - Sputnik Արմենիա
Ընտրություններն ու դրանց հեռանկարը. հանրահավաք և նոր խորհրդարան կլինի

«Զարմանալի չէ, որ այդ հակասահմանադրական մտահղացումը առաջ մղելու համար նրանք չեն խորշում բոլոր հնարավոր հնարքներից:

Առաջին հայացքից ծիծաղաշարժ է նաև այդ փաստարկը: Սակայն երկարաժամկետ քաղաքական պլանավորման տեսակետից վարչապետը փորձում է հեռահար նպատակներ հետապնդող խաղ խաղալ:

Վստահ լինելով, որ հանրային կարծիքի ձևավորման վրա ինքը մեծագույն ազդեցություն ունի, մյուս կողմից էլ հասկանալով, որ ժողովրդի սոցիալ-տնտեսական խնդիրները իշխանափոխությունից հետո ոչ միայն չեն լուծվում, այլև սրվում են և ավելանում, Նիկոլ Փաշինյանը փորձում է մարդկանց աչքերում տպավորություն ստեղծել, թե, ժողովուրդ, դուք վատ եք ապրում, ես ձեր կյանքը չեմ կարողանում լավացնել, գների աճը զսպել չեմ կարում, տնտեսությունը զարգացնել չեմ կարում, ներդրումներ բերել չեմ կարում, որովհետև ԱԺ-ում չունեմ իմ սեփական մեծամասնությունը:

Չեմ բացառում, որ կրկին կլինեն հազարավոր մոլորված մարդիկ, որ Ձեզ կհավատան, սակայն, պարոն վարչապետ, մի տեղ ֆիքսեք, խնդրում եմ, թեպետ ինձանից լավ գիտեք, որ ԱԺ-ն մեղավոր չէ, որ՝

1. Ձեր կառավարությունը առ այսօր չունի հստակ տնտեսական զարգացման ծրագիր

2. Միջազգային կապիտալը թերահավատ է պոպուլիստիկ և ծայրահեղական առաջնորդների նկատմամբ

3. Ինստիտուտներ ամրացնելու, դատական անկախ մարմիններ ստեղծելու, խոսքի ազատությունը երաշխավորելու փոխարեն Դուք շարունակաբար քայքայում եք պետական կառավարման ապարատը, գործեր հարուցելու ուղղորդումներ անում և խրախուսում ատելության քարոզչությունը

4. ԼԻԴԻԱՆ-ի, Վեոլիայի, Հարավկովկասյան երկաթգծի և այլ դեպքերի պատճառով Դուք ոչ միայն նոր ներդրումներ չեք բերում, այլևս եղածներն եք դրել հարցականի տակ:

5. Ռուսաստանաբնակ հայ գործարարների հետ հանդիպման ժամանակ բիզնեսմենները վստահություն չունեին ձեր հանդեպ:

6.Փարիզում ֆրանսիական բիզնես էլիտայի հետ հանդիպումը ոչ մի կոնկրետ արդյունք չի տվել:

Премьер-министр Никол Пашинян встретился с президентом Ирана Хасаном Роухани (25 сентября 2018). Нью-Йорк - Sputnik Արմենիա
Հայաստան–Իրան. հարաբերություններ կան արդյո՞ք կենացներից ու բարի մտադրություններից բացի

7. Համաշխարհային տնտեսական ֆորումի DOING BUSINESS վարկանիշում առաջ գնալու համար Ձեր կառավարությունն առ այսօր ոչ մի շոշափելի քայլ չի արել:

8.Հայաստան-ԵՄ համաձայնագրով նախատեսված, այդ թվում՝ տնտեսական բարեփոխումները տեղից չեն շարժվում:

9. Գերմանիայի կանցլերը և Իտալիայի նախագահը տարածաշրջանային այցերի ժամանակ Վրաստանում և Ադրբեջանում բիզնես-ֆորումների են մասնակցում և ներդրողներ տանում, իսկ Հայաստանում՝ ոչ:

Դեռ այսքանը: Բարով վերադառնաք Հայաստան»,-գրել է Արմեն Աշոտյանը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала