«Շառլի կյանքն ինքնին մի հրաշալի ֆիլմ էր՝ լուսավոր և լի մարդասիրությամբ». Սերժ Սարգսյան

© Photo : official site of the President of RAТретий президент Армении Серж Саргсян и Шарль Азнавур во время церемонии вручения ключа дома-музея фонду «Азнавур» (1 июня 2017). Еревaн
Третий президент Армении Серж Саргсян и Шарль Азнавур во время церемонии вручения ключа дома-музея фонду «Азнавур» (1 июня 2017). Еревaн - Sputnik Արմենիա
Աշխարհահռչակ շանսոնյեի մահվան կապակցությամբ ցավակցական ուղերձ է տարածել ՀՀ երրորդ նախագահ Սերժ Սարգսյանը:

ԵՐԵՎԱՆ, 1 հոկտեմբերի — Sputnik. Բառերով հնարավոր չէ նկարագրել այն մեծ վիշտը, որ ապրում եմ այս պահին։ Շառլի հեռանալը շատ մեծ, անդառնալի կորուստ և ցավ է բոլորիս համար, հատկապես նրանց համար, ովքեր նրան մոտիկից են ճանաչել։ Այս մասին իր ցավակցական ուղերձում հայտնում է ՀՀ երրորդ նախագահ, ՀՀԿ նախագահ Սերժ Սարգսյանը։

Президент Франции Эммануэль Макрон - Sputnik Արմենիա
Ֆրանսիայի նախագահ Մակրոնն արձագանքեց Շառլ Ազնավուրի մահվան լուրին

«Հայաստանի ազգային հերոսը, հայ ժողովրդի դեսպանն աշխարհում, դարի արտիստը, ֆրանսիական երգի հայրը, մեր բոլորի կողմից այնքան սիրված Շառլ Ազնավուրը իր անզուգական, անկրկնելի, վառ տաղանդով, իր շիտակությամբ, իր լավատեսությամբ, իր բարությամբ հիացմունք էր առաջացնում ողջ աշխարհում։ Նա մարմնավորեց հայ ազգի ճակատագիրը, նրա վերածնունդը, անկոտրում կամքը, աշխատասիրությունը, անպարտելիությունը։

Շառլի կյանքն ինքնին մի հրաշալի ֆիլմ էր՝ լուսավոր և լի մարդասիրությամբ։ Այդ պատմությունը, այդ հրաշքը շարունակվում է և շարունակվելու է։ Ազնավուրի վառ աստղը երկնքից միշտ լուսավորելու է մեզ բոլորիս։

Հավերժ փառք քեզ, սիրելի Վարպետ, սիրելի Շառլ, Մեծ Հայ»,– ասված է ՀՀ երրորդ նախագահի ցավակցական ուղերձում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала