ԵՐԵՎԱՆ, 3 հոկտեմբերի — Sputnik. Մոսկվան արդեն Դամասկոսին է փոխանցել С-300 զենիթահրթիռային համակարգեր։ Այս մասին, ինչպես հայտնում է ՌԻԱ Նովոստին, հայտարարել է Ռուսաստանի պաշտպանության նախարար Սերգեյ Շոյգուն։
ՀՕՊ սիրիական համակարգերի ուժեղացման առաջնային նպատակը` ռուս զինծառայողների պաշտպանությունն է։
Շոյգուի խոսքով՝ Սիրիայում հակաօդային պաշտպանության միասնական համակարգի գործարկման աշխատանքները կավարտվեն հոկտեմբերի 20-ին։
Բացի այդ Սիրիայում С-300–ի վրա աշխատելու համար անհրաժեշտ անձնակազմի ընտրությունն արդեն արված է։ Կադրերի նախապատրաստումը մի քանի ամիս կտևի։
Նախարարը նաև ավելացրել է, որ Ռուսաստանն ուժեղացրել է Սիրիայում ռադիոէլեկտրոնային պայքարի միջոցները։ Այդ նպատակով արաբական հանրապետությանը նոր սարքավորումներ է տրամադրվել։
Նշենք, որ Ռուսաստանի նախագահի հանձնարարությամբ Մոսկվան որոշել է Դամասկոսին փոխանցել С-300 համակարգը։
Պաշտպանության նախարարը ընդգծել է, որ 2013 թվականին Ռուսաստանը` Իսրայելի խնդրանքով, կասեցրել է Սիրիային համալիրներ տրամադրելը, սակայն այժմ իրավիճակը փոխվել է։
