Ի՞նչ են պահանջում հացադուլ հայտարարած «Սասնա ծռերը»

© Sputnik / Алексей Филиппов / Անցնել ֆոտոբանկСледственный изолятор
Следственный изолятор - Sputnik Արմենիա
Մարդու իրավունքների պաշտպանի ներկայացուցիչներն այցելել ու զրուցել են «Սասնա ծռերի» անդամներին։

ԵՐԵՎԱՆ, 4 Հոկտեմբեր — Sputnik. «Սասնա ծռեր» զինված խմբի անդամներ Պավել Մանուկյանն ու Արմեն Բիլյանը, որոնք երեկ հացադուլ են հայտարարել, քրեակատարողական հիմնարկի վարչակազմից բողոք չունեն, իրենց հացադուլն ուղղված է իրենց նկատմամբ ընտրված խափանման միջոցի փոփոխմանը։ Այս մասին նրանք այսօր ասել են ՄԻՊ ներկայացուցիչների հետ հանդիպմանը։

Ինչպես նշված է պաշտպանի ֆեյսբուքյան էջում, ՄԻՊ ներկայացուցիչներն այսօր չհայտարարված այցի ընթացքում առանձնազրույցներ են ունեցել «Դատապարտյալների հիվանդանոց» ՔԿՀ-ում հացադուլ հայտարարած Պավել Մանուկյանի և Արմեն Բիլյանի հետ:

Ուսումնասիրել են նրանց բժշկական փաստաթղթերն ու պահման պայմանները:

Հիշեցնենք` Մանուկյանն ու Բիլյանը հացադուլ էին հայտարարել դատական նիստի ժամանակ։

2016թ-ի հուլիսի 17-ին վաղ առավոտյան «Սասնա ծռեր» խմբի անդամները բեռնատար ավտոմեքենայով ջարդել էին ոստիկանական ՊՊԾ գնդի մուտքի դարպասները, ներս մտել գնդի տարածք ու գրավել այն։ Խումբը պահանջում էր Սերժ Սարգսյանի հրաժարականն ու քաղբանտարկյալների ազատ արձակումը։ 14 օր տևած պաշարումից և մարդկային մի քանի կորուստներից հետո խմբի անդամները վայր դրեցին զենքն ու հանձնվեցին իրավապահներին։ Այդ դեպքերի ժամանակ, բացի Տեփանոսյանից, զոհվեցին նաև ոստիկանության գնդապետ Արթուր Վանոյանն ու ավագ ենթասպա Գագիկ Մկրտչյանը։ Ոստիկանների սպանության համար մեղադրանք է առաջադրվել խմբի անդամներից Արմեն Բիլյանին ու Սմբատ Բարսեղյանին։

Պավել Մանուկյանին մեղադրանք է առաջադրվել 2016 թվականի հուլիսի 17-ին կազմակերպված խմբի կազմում ապօրինի զենք ձեռք բերելու, պահելու, փոխադրելու և կրելու համար, ինչպես նաև կազմակերպված խմբով զենքի գործադրմամբ կյանքի եւ առողջության համար վտանգավոր բռնությամբ շենքեր, շինություններ, տրանսպորտային միջոցներ զավթելու համար։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала