«Ամեն դեպքում վերցրեց հեռախոսը». ինչ է Մակունցը պայմանավորվել վրաց գործընկերոջ հետ

© Sputnik / Asatur Yesayants / Министр культуры Армении Лилит Макунц на заседании правительства (8 июня 2018). Еревaн
Министр культуры Армении Лилит Макунц на заседании правительства (8 июня 2018). Еревaн - Sputnik Արմենիա
Բաժանորդագրվեք
НовостиTelegram
Հայաստանի ու Վրաստանի մշակույթի նախարարները քննարկել են իրարանցումը, որը ծավալվել է Թբիլիսիի Պետրոս Ադամյանի անվան պետական դրամատիկական թատրոնի նոր շենքի շինարարության շուրջ։

ԵՐԵՎԱՆ, 8 հոկտեմբերի — Sputnik. Թբիլիսիի Պետրոս Ադամյանի անվան պետական դրամատիկական թատրոնի նոր շենքը կօգտագործվի իր ուղիղ նշանակությամբ, այնտեղ այլ միջոցառումներ չեն անցկացվի։

Официальный визит премьер-министра Никола Пашиняна в Грузию (30 мая 2018). Тбилиси - Sputnik Արմենիա
Հայ-վրացական հարաբերություններն այլևս նախկինը չեն լինի

Այդ մասին Sputnik Արմենիայի հետ զրույցում հաղորդեց Հայաստանի մշակույթի նախարար Լիլիթ Մակունցը` ընդգծելով, որ անձամբ հեռախոսով վրացի գործընկերոջ հետ քննարկել է Թբիլիսիում թատրոնի շուրջ ստեղծված իրարանցումը։

Խնդիրն այն է, որ Հայաստանի և Վրաստանի մշակույթի նախկին նախարարներ Արմեն Ամիրյանի և Միխայիլ Գեորգաձեի օրոք որոշում է ընդունվել քանդել Պետրոս Ադամյանի անվան պետական դրամատիկական թատրոնը և կառուցել նորը։ Դա լուրջ իրարանցում է առաջացրել ինչպես Վրաստանի հայ համայնքում, այնպես էլ՝ Հայաստանում։

Լուրեր են տարածվել, որ նոր շենքը կտրամադրվի նաև այլ կազմակերպությունների, այլ ոչ միայն թատրոնին։

«Ես անձամբ զրուցել եմ Վրաստանի մշակույթի նախարարի հետ, խնդրել հերթական անգամ ցրել մտավախությունները և հաստատել մեր նախորդ պայմանավորվածությունները», – ասաց Մակունցը։

Վրաց նախարարն ի պատասխան նշել է, որ պետք չէ ուշադրություն դարձնել լուրերին և ենթադրություններին։ Նրա խոսքով` հայկական թատրոնն ակտիվ գործում է, ոչ մի փոփոխություն նախատեսված չէ։

Министр культуры Армении Лилит Макунц на заседании правительства (17 мая 2018). Еревaн - Sputnik Արմենիա
«Նա մեր նախագիծը հավանեց, մենք էլ` նրան». Մակունցը Թբիլիսիում հանդիպել է դերասաններին

Հիշեցնենք, որ մայիսի 30–ին Հայաստանի վարչապետ Նիկոլ Փաշինյանի գլխավորած պատվիրակության Վրաստան կատարած պաշտոնական այցի ընթացքում Լիլիթ Մակունցն այցելել է Թբիլիսիում գտնվող հայկական թատրոն, ծանոթացել նոր շենքի նախագծին, ինչպես նաև թատերախմբի հետ։

Նոր թատրոնի շինարարության հարցը բազմիցս բարձրացվել է Հայաստանի մշակույթի նախկին նախարար Արմեն Ամիրյանի կողմից։ Սպասվում է, որ արդիականացված շենքը հայկական թատերախումբը «հետ կստանա» 2020թ–ի վերջին։

Թատրոնի շինարարության ֆինանսավորումը լիովին վերցրել է իր վրա Վրաստանի նախկին վարչապետ Բիձինա Իվանիշվիլին։ Նա առաջին անգամ չէ, որ օգնում է Վրաստանի հայ համայնքին. ավելի վաղ նա հովանավորել է Թբիլիսիում Սուրբ Գևորգ հայկական եկեղեցու վերակառուցումը։

Լրահոս
0