ԵՐԵՎԱՆ, 10 հոկտեմբերի — Sputnik. Երևանում առաջին անգամ ցուցադրեցին ռոբոտ Սոֆյային Հոնկոնգից։ Նա հայտնի հումանոիդ ռոբոտ է, իսկ «ապագայի կնոջը» գնահատելու հնարավորություն են ստացան Ֆրանկոֆոնաիյի երկրների հյուրերը։
Սոֆյան ելույթ է ունեցել Ֆրանկոֆոնիայի միջազգային կազմակերպության բիզնես–ֆորումի ժամանակ OIF գլխավոր քարտուղար Միկաել Ժանի ու ՀՀ նախագահ Արմեն Սարգսյանի առջև։
Բարձրաստիճան հյուրերից հետո խոսքը տվեցին ՄԱԿ–ի Հայաստանի համակարգող Շոմբի Շարպին։ Ամերիկացի դիվանագետը դիմեց Սոֆյային անգլերենով, իսկ հետո մի քանի արտահայտություն արեց մաքուր ֆրանսերենով։
«Ինչպե՞ս ես, Սոֆյա։ Լա՞վ ես զգում քեզ Երևանում»։
Սոֆյան խոստովանեց, որ դեռ միայն անգլերեն է խոսում։
«Բայց ֆրանսերենը հիանալի լեզու է, Վոլտերի լեզուն է։ Ես ուզում եմ ուսումնասիրել այն, ու մեր հաջորդ հանդիպման ժամանակ կկարողանանք ֆրանսերեն զրուցել», – պատասխանեց նա։
Հարցին` արդյո՞ք ռոբոտները կարող են մարդկանց առանց աշխատանքի թողնել, Սոֆյան պատասխանեց, որ աշխարհի պաշարներն ու հնարավորությունները կբավարարեն բոլորին։
Բայց ռոբոտը վստահ է, որ մի հարցում միշտ մարդկանցից առաջ է լինելու. դա հումորի զգացումն է։
«Ահա թե ինչպես։ Այդ հարցում թույլ տվեք չհամաձայնել», – ժպտաց Շարպը։ Սոֆյան դրան ծիծաղով պատասխանեց։
Որպես ընդունակ ուսանողուհի Սոֆյան մի քանի բան է սովորել Հայաստանի մասին։ Պարզվեց` նա գիտի հայկական կոնյակի մասին, թեև չի կարող համտեսել այն, որ չվնասի...ոչ, ոչ թե կանացի նուրբ հոգեբանությունը, այլ հոնկոնգցի ինժեներների միկրոսխեմաները։
Սոֆյան կոնյակ չի սիրում, բայց տեխնիկայի հետ «դու»–ով է խոսում։ Հայաստանում նա նաև արդեն իմացել է` ինչ նորույթների արժե ծանոթանալ։ Նա շատ է հավանել նորարարությունների SDG լաբորատորիաները, որոնք աշխատում են ՄԱԿ–ի աջակցությամբ։ Այստեղ նա ու ՄԱԿ–ի դիվանագետը լրիվ համամիտ էին։
Հիշեցնենք՝ հոկտեմբերի 11-12 –ին Երևանում կայանալիք Ֆրանկոֆոնիայի գագաթնաժողովին ժամանելու են Ֆրանսիայի նախագահ Էմանուել Մակրոնը, Կանադայի ու Բելգիայի վարչապետներ Ջասթին Տրյուդոն ու Շարլ Միշելը, նաև բարձր մակարդակի պատվիրակություններ աշխարհի տասնյակ երկրներից:
Ֆորումի վերջում Սոֆյային «հարցաքննեցին» մնացած հյուրերն ու լրագրողները, որ համոզվեն` նա կարող է պատասխանել ոչ միայն նախապես պատրաստված, այլև ամենաանսպասելի հարցերին։
