Ռևիզորները գալիս են Հայաստան. ԱՄՆ պաշտոնյաները ցուցումներ կտան` ինչպես աշխատել Իրանի հետ

© AFP 2022 / ATTA KENAREДоллары США и иранские риалы
Доллары США и иранские риалы - Sputnik Արմենիա
Բաժանորդագրվեք
Yandex newsTelegram
Ամերիկացի դիվանագետն ուղիղ տեքստով հորդորել է հայկական, ադրբեջանական և վրացական ընկերություններին զգույշ լինել իրանցիների հետ և իմանալ` «ում հետ գործ ունեն»։

ԵՐԵՎԱՆ, 16 հոկտեմբերի — Sputnik. Ամերիկյան պաշտոնատար անձինք, որոնք պատասխանատու են Իրանի նկատմամբ պատժամիջոցների քաղաքականության իրագործման համար, նոյեմբերին կայցելեն Հայաստան, Վրաստան և Ադրբեջան` ԻԻՀ հետ հարաբերությունները քննարկելու նպատակով։ Այդ մասին այսօր Երևանում կայացած ասուլիսի ժամանակ ասաց ԱՄՆ-ի պետքարտուղարի` Եվրոպայի և Եվրասիայի հարցերով օգնականի տեղակալ Ջորջ Քենթը։

Никол Пашинян и Хасан Роухани - Sputnik Արմենիա
Ի՞նչը կամ ո՞վ կարող է ստիպել Հայաստանին «ընկերություն» չանել Իրանի հետ

Քենթի խոսքով` ամերիկյան գործակալները մտադիր են խորհուրդ տալ երեք հարավկովկասյան երկրներին, թե ինչպես աշխատեն Իրանի հետ, որպեսզի նրանք չընկնեն ամերիկացիների թեժ ձեռքի տակ։

Ամերիկացի դիվանագետը բաց տեքստով սպառնաց հայկական, ադրբեջանական և վրացական ընկերություններին չափազանց զգույշ լինել իրանցիների հետ և իմանալ` «ում հետ գործ ունեն»։

Նա հորդորեց երեք երկրներին առևտրային հարաբերություններ չձևավորել իրանական որոշ ընկերությունների հետ, քանի որ այդ ընկերությունները կարող են պատժամիջոցների տիրույթում լինել։ Ավելի մանրամասն ցուցումների համար նոյեմբերին կժամանեն ամերիկացի պաշտոնյաները։

Հիշեցնենք, որ ԱՄՆ-ի նախագահն այս տարվա մայիսին հայտարարել էր Իրանի հետ միջուկային ծրագրի վերաբերյալ համաձայնագրից դուրս գալու մասին։ Նա հայտարարել էր Իրանի դեմ բոլոր պատժամիջոցները վերականգնելու մասին։

Լրահոս
0