ԵՐԵՎԱն, 23 հոկտեմբերի — Sputnik. Ռուսաստանցի Տիգրան Դավիդյանը հաղթել է «Respectshowcase» Ռուսաստանի լավագույն պարուսույցների ամենամյա մրցույթում։
Մրցավարները` անվանի պարուսույցներ Ալեքսեյ Արապովը (Ռուսաստան), Վասիլի Կոզարը (Ուկրաինա) և Kidathegreat-ը (ԱՄՆ), համարել են, որ 26 մասնակիցներից լավագույնը Դավիդյանն է։
Նա Instagram-ի սթորիզում հրապարակել է Black_ti.d հաղթական պարի տեսանյութը։
Դավիդյանը դասավանդում է Մոսկվայի և Ռուսաստանի լավագույն պարային ստուդիաներում։ Instagram սոցիալական ցանցում նա նույնպես շատ հայտնի է, նրա բեմադրած համարներով տեսանյութերը հազարավոր դիտումներ են հավաքում։
