ԵՐԵՎԱՆ, 24 հոկտեմբերի — Sputnik. Հոկտեմբերի 24-ին, 12:00-ի սահմանում Գյումրիում հաջողվել է կանխել 34-ամյա երիտասարդի ինքնասպանության փորձը: Երիտասարդը փորձել է նետվել Գյումրու «50-ամյակի» կամրջից:
Կամրջով անցնող քաղաքացիները հասցրել են տեղեկացնել մոտակայքում գտնվող ոստիկաններին:
Ճանապարհային ոստիկանության խմբին հաջողվել է կամրջի հակառակ կողմի եզրագծից անվտանգ դուրս բերել երիտասարդին:
Դեպքի վայր է ժամանել Ոստիկանության Մուշի բաժնի օպերատիվ խումբը։ Նրանք երիտասարդին տեղափոխել են Ոստիկանության Մուշի բաժին։ Փաստի առթիվ նյութեր են նախապատրաստվում։
Երիտասարդը 34 տարեկան Կարեն Ասմարյանն է, որը Գյումրիում հայտնի է «Կացին» մականունով: Sputnik Արմենիան ավելի վաղ գրել էր նրա մասին։ Կարենն իր «հացը վաստակում» էր մուրացկանությամբ:
