Ուզում եմ Հայաստանում բեռնատարներ հավաքել, իսկ պայմաններ չկան. իրանցի գործարար

© Sputnik / Asatur YesayantsПредставитель Торгово-промышленной палаты Армении в Иране Реза Нафези на международном форуме "Евразийская неделя" (23 октября 2018). Еревaн
Представитель Торгово-промышленной палаты Армении в Иране Реза Нафези на международном форуме Евразийская неделя (23 октября 2018). Еревaн - Sputnik Արմենիա
Գործարար Ռեզա Նաֆեզին կարծում է, որ Իրանին մոտ լինելն ու Եվրասիական միության հնարավորությունները այն առավելություններն են, որոնք պետք է օգտագործի Հայաստանը։

ԵՐԵՎԱՆ, 24 հոկտեմբերի — Sputnik. «Մեղրի» ազատ տնտեսական գոտին այդպես էլ չնախապատրաստեցին նոր գործարանների բացման համար։ Այս մասին Sputnik Արմենիայի թղթակցի հետ զրույցում ասաց Իրանում Հայաստանի առևտրատնտեսական պալատի ներկայացուցիչ Ռեզա Նաֆեզին «Եվրասիական շաբաթ 2018» միջազգային տնտեսական համաժողովի ժամանակ։

Ремонт линии электропередач с материка на остров Русский в Приморском крае - Sputnik Արմենիա
Հայաստանի աշխարհագրական դիրքը նպաստավոր է ծրագրեր իրականացնելու համար. իրանցի նախարար

Հայաստանում Ռեզա Նաֆեզին ղեկավարում է Iran Khodro բեռնատարների վաճառքը։ Դրանք արտադրվում են «Պեժոյի» արտոնագրով։ Հիմա նա իր իրանական գործընկերներին Հայաստանում բեռնատարներ հավաքելու գաղափար է տվել։ 

Նաֆեզին վստահ է, որ հայ-իրանական սահմանին գտնվող «Մեղրի» ազատ տնտեսական գոտին դրա համար հարմար վայր է։ Այստեղ կարելի է առանց հարկերի բեռնատարներ արտադրել, հետո արտահանել դրանք, այդ թվում` Եվրասիական տնտեսական միության երկրներ։ Այսպիսով` իրանական բիզնեսը կկարողանա ապրանքը ավելի հեշտությամբ արտահանել ԵԱՏՄ շուկա։

«Այս ամենը շատ լավ է, բայց այդ ազատ գոտում դեռ ոչինչ պատրաստ չէ։ Դրա համար ում էլ ասեք` «եկեք ու ներդրում արեք», ոչ ոք չի գա։ Այնտեղ պատեր ու դռներ են, այլ բան չկա։ Պետք է լույս, գազ անցկացնել, ենթակառուցվածքներ կառուցել ու հետո միայն ասել` պատրաստ է, եկեք ու ներդրում արեք», — ասում է Նաֆեզին։

Նա վստահ է, որ չի կարելի հապաղել։ Պետք է հնարավորինս շուտ գրավել ներդրողներին, որպեսզի այստեղ նոր գործարաններ կառուցվեն։

«Իրանի մոտ լինելն ու Եվրասիական միության հնարավորությունները միանգամից երկու առավելություն են։ Դրանք պետք է օգտագործել», — ավելացրեց գործարարը։

Հիշեցնենք` կառավարությունը մասնավոր հողեր գնելու և դրանք «Մեղրի» ազատ տնտեսական գոտուն փոխանցելու նախագիծ է պատրաստում։ Ազատ տնտեսական գոտու հանդիսավոր բացումը տեղի ունեցավ մեկ տարի առաջ` 2017 թվականի դեկտեմբերին, բայց այն դեռ չի գործում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала