ԵՐԵՎԱՆ, 30 հոկտեմբերի — Sputnik. Երևանի Ռուբինյանց փողոցի թիվ 15 շենքի բնակարաններից մեկում դիակ են հայտնաբերել։ Այս մասին հայտնում է ՀՀ արտակարգ իրավիճակների նախարարության մամուլի ծառայությունը:
Հոկտեմբերի 29-ին, ժամը 14:27-ին «911» ծառայությունն ահազանգ է ստացել, որ բնակարանի դուռը փակ է, բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:
Դեպքի վայր է մեկնել Փրկարար ծառայության հրշեջ-փրկարարական ջոկատից մեկ մարտական հաշվարկ:
Փրկարարները բացել են բնակարանի դուռը. ննջասենյակում հայտնաբերվել է Ս. Ե.-ի (ծնված 1963 թ.) դին:
