«Ես չեմ կարող առանց քեզ». Նարեկ Գևորգյանն իր յուրովի կատարմամբ գերեց Մելաձեին. տեսանյութ

Բաժանորդագրվեք
НовостиTelegram
Երևանում ծնված, հետո Ուկրաինա տեղափոխված, իսկ այժմ Ռուսաստանում ապրող գեղեցկադեմ երիտասարդը Վալերի Մելաձեի հուզիչ երգը կատարեց ռուսական բեմում։

«Ձայնը» նախագծի «կույր լսումներին» մասնակցեց Կրասնոդարում ապրող Նարեկ Գևորգյանը։ Նա երգեց Վալերի Մելաձեի «Ես չեմ կարող առանց քեզ» ստեղծագործությունը, և նրա կատարումը դուր եկավ ժյուրիի աթոռին նստած Մելաձեին, որովհետև երգիչը սեղմեց կոճակն ու շրջվեց Նարեկին տեսնելու։ Բացի նրանից, կարմիր կոճակը սեղմեց նաև Սերգեյ Շնուրը։

«Հիասքանչ ձայն ունեք»,– ասաց նա հայ երիտասարդին։

Իսկ Մելաձեն նշեց, որ երբ իր երգերն է լսում, սկսում է գնահատել ոչ թե մասնակցին, այլ հենց իր երգը։

«Ինձ շատ դուր եկավ ձեր ձայնը և այն, որ դուք իմ երգը կատարեցիք յուրովի։ Կուզեի ձեզ տեսնել իմ թիմում»,– ասաց նա։

Նարեկն էլ խոստովանեց, որ այդ երգը շատ հարազատ է իրեն ու որոշեց հեռուստաշոուի հետագա պայաքարին մասնակցել Մելաձեի թիմում։

Նարեկ Գևորգյանի հայրը բիզնեսմեն–զբոսաշրջիկ է, մայրը` տնային տնտեսուհի։

Լրահոս
0