Armenia ավիաընկերությունը միացել է ավիատոմսերի Black Friday–ի բումին

© Sputnik / Aram NersesyanСамолет авиакомпании "Armenia"
Самолет авиакомпании Armenia - Sputnik Արմենիա
«Սև ուրբաթի» ընթացքում կարելի է աննախադեպ ցածր սակագներով տոմսեր գնել։

ԵՐԵՎԱՆ, 19 նոյեմբերի — Sputnik. Armenia ավիաընկերությունը միացել է «Սև ուրբաթի» լայնածավալ զեղչերին։ Sputnik Արմենիայի թղթակցի հետ զրույցում այս մասին ասաց Armenia ավիաընկերության փոխտնօրեն Գևորգ Խաչատրյանը։

Այս տարի «Սև ուրբաթը» տեղի կունենա նոյեմբերի 23–ին։

Самолет Bombardier C600. Архивное фото - Sputnik Արմենիա
Armenia–ն «Տարոն Ավիային» չի աջակցի ռուսական օդանավակայանների դեմ բողոքում

«Առավոտյան 9։00–ից մինչև 19։00–ը կարելի է ավելի ցածր գնով տոմսեր գնել բոլոր ուղղություններով, ուր մենք իրականացնում ենք կանոնավոր չվերթեր», – ասաց Խաչատրյանը։

Օրինակ` դեպի Ռուսաստան (Վորոնեժ և Մինվոդի) հետադարձով տոմսը կարժենա 100 եվրո։ Երևան–Լիոն–Երևան, ինչպես նաև Երևան–Թել Ավիվ–Երևան ուղղությամբ տոմսեր կարելի է գնել 150 եվրոյով։

«Այս տարի ակցիան ավելի մասշտաբային կլինի», – ասաց Խաչատրյանը։

Նրա խոսքով` ակցիան նվիրված է ավիաընկերության 3-ամյակին։ Ի տարբերություն անցած տարվա` ցանկացողները կարող են տոմսեր գնել ցանկացած ամսաթվի, ամսվա համար, եթե դրանք կան վաճառքում։

Ակցիայի շրջանում գնված տոմսերը վերադարձի ենթակա չեն։ Եթե ուղևորը ցանկանա փոխել ամսաթիվը, ապա ռուսական ուղղությունների համար դա կարժենա 100 եվրո, Լիոնի և Թել Ավիվի համար` 150 եվրո։

Kапитан авиакомпании Armenia Эдуард Карапетян - Sputnik Արմենիա
Armenia ավիաընկերությունը նոր հրամանատար ունի. օդաչուն թողել է ԱՄԷ–ն և վերադարձել հայրենիք

Տոմս գնելիս ուղևորը կարող է անվճար տեղափոխել 23 կգ ուղեբեռ և 7 կգ ձեռքի ուղեբեռ։ Մեկ մարդը կարող է միայն երկու տոմս գնել։

«Armenia» ավիաընկերություն կանոնավոր չվերթեր է իրականացնում դեպի Վորոնեժ, Մինվոդի, Թել Ավիվ, Բեյրութ, ինչպես նաև Լիոն: «Armenia» ավիաընկերության հիմնադիրներն են Աշոտ Թորոսյանը (51 տոկոս բաժնետոմսեր), Թամազ Գաիաշվիլին (24 տոկոս) և Ռոբերտ Օգանեսյանը (25 տոկոս): Հայաստանը զրկվեց ազգային ավիափոխադրողից 2013 թվականին «Արմավիա» ընկերության սնանկացումից հետո: Հայաստանի ավիաշուկայում հայտնվեց Air Armenia ընկերությունը, որը, սակայն, 2014 թվականի հոկտեմբերին սնանկացավ ու դադարեցրեց ավիափոխադրումները: Հայրենական ավիաշուկայում այսօր երկու հայկական ընկերություն է գործում` «Armenia»-ն և «Տարոն-Ավիան»։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала