Եվրասիական բանկը կվերսկսի «Հյուսիս–հարավ» տրանսպորտային միջանցքի ֆինանսավորումը

© Sputnik / Aram NersesyanСтроительные работы
Строительные работы - Sputnik Արմենիա
Բաժանորդագրվեք
Ավելի վաղ կառավարությունը դադարեցրել էր ծրագիրը, որպեսզի չգերազանցի արտաքին պարտքը։ Այնուհետև աշխատանքը վերսկսվել է։

ԵՐԵՎԱՆ, 22 նոյեմբերի — Sputnik. Կայունության և զարգացման եվրասիական հիմնադրամը կվերսկսի Հայաստանում «Հյուսիս–հարավ» տրանսպորտային միջանցքի ֆինանսավորումը։ Այդ մասին լրագրողներին հայտնեց Կայունության և զարգացման եվրասիական հիմնադրամի (ԿԶԵՀ) գործադիր տնօրեն Անդրեյ Շիրոկովը։

Министр связи, транспорта и ИТ Акоп Аршакян перед началом заседания Правительства Армении (16 октября 2018). Еревaн - Sputnik Արմենիա
Ինչու են Հյուսիս–հարավի համար հսկայական գումարներ ծախսել. տարակուսում է Արշակյանը

Եվրասիական զարգացման բանկի 150 միլիոն դոլար վարկով պետք է կառուցվի մայրուղու ամենահարավային հատվածը` իրանական սահմանից մինչև Քաջարան քաղաք։ Այստեղ սարերի միջով կկառուցվեն մի քանի թունելներ, որոնք կկրճատեն մեքենաների համար ճանապարհը։

Ավելի վաղ Հայաստանի կառավարությունը որոշել է դադարեցնել վարկային ծրագիրը` կապված արտաքին պարտքի շեմին հասնելու հետ։ Այնուհետև որոշել են վերսկսել ծրագիրը։

«Տվյալ պահին նախագիծը զարգանում է։ Կառավարության հետ մշտապես երկխոսություն են վարում։ Այժմ մրցույթ է պատրաստվում խորհրդատուներ ընտրելու համար, որոնք կպատրաստեն այդ հատվածի մանրամասն դիզայնը», – նշեց Շիրոկովը «Եվրասիական տնտեսական ինտեգրացում» XIII միջազգային համաժողովի ընթացքում։

Ծրագրվում է, որ մինչև տարեվերջ հայտնի կլինի մրցույթի արդյունքը, որից հետո պայմանագիր կկնքվի, և հաղթող ընկերությունը ձեռնամուխ կլինի նախագծմանը։

Ինչ վերաբերում է մայրուղին կառուցելու ընթացքում չարաշահումներին, որոնց մասին հայտարարել է Հայաստանի կառավարությունը, ապա դա չի վերաբերում Կայունության և զարգացման եվրասիական հիմնադրամի վարկին։

«Բանն այն է, որ մեր հատվածում ոչ մի շինարարական աշխատանք չի եղել, այդպիսով չարաշահումներ չէին կարող լինել։ Կա ընդհանուր նախագիծ, որին տարբեր դոնորներ գումար են հատկացնում», – ասաց Շիրոկովը։

Նրա խոսքով` Կայունության և զարգացման եվրասիական հիմնադրամի կողմից ֆինանսավորվող հատվածում շինարարական աշխատանքները կսկսվեն առնվազն կես տարի անց։

Зангезурский медно-молибденовый комбинат, Каджаран - Sputnik Արմենիա
Հայկական նավթ. ի՞նչ արձագանք է գալիս երկրի ընդերքից

Իր հերթին, ԿԶԵՀ ֆինանսական վարկերի հարցերով նախագծային խմբի տնօրենի պաշտոնակատար Տիգրան Կոստանյանը նշեց, որ Հայաստանում պետական պարտքի մակարդակը մոտեցել է իր շեմին։ Ուստի սկսել է ավելի զգույշ վերցնել վարկեր։

«Դա իշխանությունների օբյեկտիվ արձագանքն է պարտքի ավելացմանը։ Այսինքն՝ շինարարությունը չի սառեցվում, ուղղակի շտկվում է մակրոտնտեսական քաղաքականությունը», – նշեց Կոստանյանը։

Ինչ վերաբերում է մյուս նախագծերին, ապա, Անդրեյ Շիրոկովի խոսքով, հիմա կառավարությունը գումար է խնդրել «Ոռոգման համակարգերի արդիականացում» նախագծի համար, որի համար պահանջվում է 40 միլիոն դոլար։ Հիմա մրցույթ է անցկացվում կապալառու ընտրելու համար։

«Հյուսիս-հարավ» տրանսպորտային միջանցքը ռազմավարական նշանակություն ունի Հայաստանի համար։ 550 կմ երկարություն ունեցող այդ ճանապարհը թույլ կտա դուրս գալ դեպի Սև ծով և եվրոպական երկրներ՝ կապ ապահովելով Իրանի և Վրաստանի հետ:

Հայաստանը դեռևս 2009 թվականին վարկային համաձայնագիր է ստորագրել Ասիական զարգացման բանկի հետ։ Համաձայնագրով նախատեսվում էր մայրուղու շինարարությունն ավարտել 2016 թվականին, սակայն շինարարական աշխատանքները սկսեցին բանկի հետ պայմանագիրը կնքելուց միան երեք տարի անց։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала