Հաջորդ տարի Սևանից լրացուցիչ ջուր չեն վերցնի. Գրիգորյանը բացեց փակագծերն ու խոստում տվեց

© Sputnik / Aram NersesyanМинистр охраны природы Армении Эрик Григорян на заседании правительства (17 мая 2018). Еревaн
Министр охраны природы Армении Эрик Григорян на заседании правительства (17 мая 2018). Еревaн - Sputnik Արմենիա
Բաժանորդագրվեք
Նախարարի պաշտոնակատարը պատմեց` ուր են գնում ջրամբարների ջրերը։

ԵՐԵՎԱՆ, 23 նոյեմբերի — Sputnik. Բնապահպանության նախարարությունն ամեն ինչ անելու է հաջորդ տարի Սևանից լրացուցիչ ջրառ չիրականացնելու համար։ Այս մասին այսօր լրագրողների հետ հանդիպման ժամանակ ասաց բնապահպանության նախարարի պաշտոնակատար Էրիկ Գրիգորյանը` ամփոփելով իր աշխատանքային գործունեության կես տարին։

Озеро Севан - Sputnik Արմենիա
Սևանից լրացուցիչ ջրառը ցավոտ է. նախարար

Իսկ այս տարի, նրա խոսքով, Սևանից լրացուցիչ ջուր է վերցվել ոչ միայն երաշտի պատճառով, այլև այն պատճառով, որ հայաստանյան ջրամբարների ջուրը թույլատրվածից շատ է օգտագործվել:

«Ջրամբարների տակ գտնվող ՀԷԿ-երը զգալի չափով էլեկտրաէներգիա են արտադրել այն սեզոններին, երբ չպիտի արտադրեին: Ավելի պարզ ասած՝ ՀԷԿ-երը ջրամբարներից ջուր են վերցրել ձմեռվա ամիսներին: Այդ պատճառով ջրամբարներում ջուրը քիչ է եղել»,- ասաց նախարարի պաշտոնակատարը:

Գրիգորյանի խոսքով, ՀԷԿ-երին ու ջրօգտագործողներին տրամադրվող ջրի ծավալն ու դրա դիմաց հավաքագրվող գումարները մի քանի անգամ տարբերվում են:

Сильва Адамян - Sputnik Արմենիա
ՌԱԴԻՈ
Ադամյան. «Կանգնած ենք խնդրի առաջ. ջրբացթողումների հետևանքով փոխվել է Սևանա լճի էկոլոգիան»

«Մենք ունենք 7-8 մլրդ խմ մակերևութային ջուր, բայց չենք կարողանում ապահովել մեր 2 մլրդ խմ ջրապահանջարկը»,- ասաց Գրիգորյանը՝ հույս հայտնելով, որ ոլորտում նախատեսված բարեփոխումների ու Արփա-Սևանից լրացուցիչ ջրամատակարարման արդյունքում հաջորդ տարի Սևանից լրացուցիչ ջուր վերցնելու կարիք չի առաջանա:

Հիշեցնենք` Արարատյան դաշտում ոռոգման ջրի պակասուրդը լրացնելու համար ՀՀ կառավարությունն այս տարի որոշում էր կայացրել Սևանից օրենքով նախատեսված 170 մլն խմ–ի փոխարեն այս տարի մինչև 210 մլն խմ ջուր վերցնել։ Լրացուցիչ 40 մլն խորանարդ մետր ջուր բաց թողնելու նախագիծն օգոստոսի 29-ին արժանացավ ԱԺ-ի հաստատմանը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала