ԵՐԵՎԱՆ, 23 նոյեմբերի — Sputnik. Կազանում անցկացված «Ռուսաստանի ուսանողության գեղեցկուհի» մրցույթի հաղթող է ճանաչվել Ալինա Զարեյնիկը (Պենզայի շրջան)։ Այս մասին հայտնում են ռուսական ԶԼՄ–ները։
Ռուսաստանի ամենագեղեցիկ ուսանողուհին ստացել է 100 հազար ռուբլի, թանկարժեք քարերով զարդարված թագ և համառուսական «Ուսանողական գարնանը» մասնակցելու իրավունք։
Посмотреть эту публикацию в Instagram
Մրցույթի եզրափակիչ են անցել 12 գեղեցկուհիներ, որոնք ցուցադրել են իրենց պարային, ձայնային, արտիստիկ տվյալները, ինչպես նաև անցել են ինտելեկտը ստուգելու թեստ։
Посмотреть эту публикацию в Instagram
«Թաթար Ինֆորմը» հայտնում է, որ մրցույթին մասնակցելու համար տիտղոսի հավակնորդները պետք է հաղթեին մրցույթների ներբուհական փուլը, ունենային առաջադիմության բարձր մակարդակ, ինչպես նաև պատասխանեին Ռուսաստանի պատմության մասին հարցերին առցանց հարցազրույցում։
«ՎԿոնտակտեի» էջում Զարեյնիկը ներկայացված է որպես Ռուսաստանի գեղարվեստական մարմնամարզության սպորտի վարպետ, մի քանի ուսանողական մրցույթների հաղթող։ Նշվում է նաև, որ նա սովորում է բժշկական ինստիտուտում։
