ԵՐԵՎԱՆ, 3 Դեկտեմբեր — Sputnik. Դեկտեմբերի 5-ին ԵԱՀԿ Մինսկի խմբի համանախագահների միջնորդությամբ տեղի է ունենալու Զոհրաբ Մնացականյանի և Էլմար Մամեդյարովի հանդիպումը:
Այս մասին տեղեկացրել է ՀՀ ԱԳՆ մամուլի խոսնակ Աննա Նաղդալյանը։
«ԵԱՀԿ Մինսկի խմբի համանախագահների միջնորդությամբ դեկտեմբերի 5–ին Միլանում կկայանա Հայաստանի ԱԳ նախարարի պաշտոնակատար Զոհրաբ Մնացականյանի և Ադրբեջանի ԱԳ նախարար Էլմար Մամեդյարովի հանդիպումը»,–տեղեկացրել է Նաղդալյանը:
Նշենք, որ Հայաստանի ԱԳ նախարարի պաշտոնակատար Զոհրաբ Մնացականյանի և Ադրբեջանի ԱԳ նախարար Էլմար Մամեդյարովի վերջին հանդիպումը կայացել է սեպտեմբերի 27–ին, Նյու Յորքում։
Հանդիպումը կայացել է ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտիի (Ֆրանսիա), Էնդրյու Շեֆերի (ԱՄՆ) միջնորդությամբ։ Ներկա է եղել նաև ԵԱՀԿ գործող նախագահի անձնական ներկայացուցիչ Անջեյ Կասպրչիկը։
