Թրամփը չի բացառում սպառազինությունների մրցավազքի զսպման քննարկումը Պուտինի հետ

© Sputnik / Алексей Никольский / Անցնել ֆոտոբանկСовместная пресс-конференция президентов России и США Владимира Путина и Дональда Трампа (16 июля 2018). Хельсинки
Совместная пресс-конференция президентов России и США Владимира Путина и Дональда Трампа (16 июля 2018). Хельсинки - Sputnik Արմենիա
ԱՄՆ-ն այս տարի ծախսել է 716 մլրդ դոլար. այս հանգամանքը ԱՄՆ նախագահը «խելագարություն է» անվանում:

ԵՐԵՎԱՆ, 3 դեկտեմբերի — Sputnik. ԱՄՆ նախագահ Դոնալդ Թրամփը վստահ է, որ ապագայում կարող է ՌԴ նախագահ Վլադիմիր Պուտինի և չինացի գործընկեր Սի Ցզինպինի հետ քննարկել սպառազինությունները կրճատելու խնդիրը: Այս մասին Թրամփը գրառում է կատարել թվիթերյան իր միկրոբլոգում:

​«Ես վստահ եմ, որ ապագայում նախագահ Սին, ես և ՌԴ նախագահ Պուտինը միասին կսկսենք խոսել սպառազինությունների խոշոր և անվերահսկելի մրցավազքը իրապես կանգնեցնելու մասին: ԱՄՆ-ն այս տարի ծախսել է 716 մլրդ դոլար: Դա խելագարություն է»,- գրել է Թրամփը:

Министр обороны РФ Сергей Шойгу и министр иностранных дел РФ Сергей Лавров  - Sputnik Արմենիա
«Ով չի լսում Լավրովին, կլսի Շոյգուին». Ռուսաստանի ԱԳՆ–ն ակնարկ է արել ԱՄՆ–ին

ՌԻԱ Նովոստին հիշեցնում է`ՌԴ ԱԳ փոխնախարար Սերգեյ Ռյաբկովը զգուշացրել էր, որ միջին ու փոքր հեռահարության հրթիռների ոչնչացման մասին պայմանագրից դուրս գալը նոր տեխնիկական մակարդակով զենքի ծավալուն մրցավազքի առիթ կտա։

Հայտարարությունը հնչել էր այն բանից հետո, երբ Թրամփը ասել էր, որ Վաշինգտոնը դուրս է գալիս պայմանագրից։ Նրա խոսքով, Ամերիկան աճեցնելու է միջուկային ներուժը մինչև մնացածը «չսթափվեն»։

Այժմ Վաշինգտոնը ակնարկում է սպառազինությունը կրճատելու իր պատրաստակամության մասին։ Սպիտակ տան «տերը» պարզաբանել է, որ դա հասցեագրված է նախ Չինաստանին ու Ռուսաստանին։

Կրեմլում բազմիցս ասել են, որ Մոսկվան Վաշինգտոնին տալու լուրջ հարցեր ունի, որոնք վերաբերում են ամերիկացիների` պայմանագրի պահանջները կատարելուն։

Մասնավորապես` Ռուսաստանը նշում է, որ ԱՄՆ—ն ցամաքում` Ռումինիայի ռազմաբազայում և Լեհաստանում տեղակայում է սարքավորումներ, որոնք կարող են «Տամահավկ» տիպի թևավոր հրթիռներ նետել, ինչը արգելված է պայմանագրով։ Բացի այդ` ԱՄՆ–ն հարվածային անօդաչուներ է մշակում ու ֆինանսավորում է ցամաքային կայանման թևավոր հրթիռի ստեղծման ուսումնասիրությունները։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала