Նախկին քաղաքապետը «տղամարդավարի» չվարվեց. հայ նկարչի ցուցասրահն աչքի առաջ քանդվում է

© Photo : provided by Aram IssabekyanИнтерьер галереи Эдуарда Исабеляна
Интерьер галереи Эдуарда Исабеляна - Sputnik Արմենիա
Հայաստանի ժողովրդական նկարչի որդի Արամ Իսաբեկյանը հուսով է, որ Երևանի իշխանությունը կլուծի ցուցասրահի խնդիրը։

ԵՐԵՎԱՆ, 4 դեկտեմբերի — Sputnik. «Էդուարդ Իսաբեկյան» ցուցասրահը կարող էր դառնալ Երևանի ամենալավ ու հետաքրքիր անկյուններից մեկը, բայց քաղաքի նախորդ իշխանությունը` քաղաքապետ Տարոն Մարգարյանի գլխավորությամբ, սրահը ճակատագրի քմահաճույքին էին թողել։ Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ այս մասին ասաց Հայաստանի գեղարվեստի պետական ակադեմիայի ռեկտոր, ՀՀ արվեստի վաստակավոր գործիչ Արամ Իսաբեկյանը։

© Photo : provided by Aram IssabekyanԷդուարդ Իսաբեկյանի ցուցասրահ
Էդուարդ Իսաբեկյանի ցուցասրահ - Sputnik Արմենիա
1/3
Էդուարդ Իսաբեկյանի ցուցասրահ
© Photo : provided by Aram IssabekyanԷդուարդ Իսաբեկյանի ցուցասրահ
Էդուարդ Իսաբեկյանի ցուցասրահ - Sputnik Արմենիա
2/3
Էդուարդ Իսաբեկյանի ցուցասրահ
© Photo : rovided by Aram IssabekyanԷդուարդ Իսաբեկյանի ցուցասրահ
Էդուարդ Իսաբեկյանի ցուցասրահ - Sputnik Արմենիա
3/3
Էդուարդ Իսաբեկյանի ցուցասրահ
1/3
Էդուարդ Իսաբեկյանի ցուցասրահ
2/3
Էդուարդ Իսաբեկյանի ցուցասրահ
3/3
Էդուարդ Իսաբեկյանի ցուցասրահ

Նոր ցուցասրահ ստեղծելու որոշումն ընդունվել է 2004 թվականին, բայց դրա մասին խոսակցություններն ավելի շուտ էին սկսվել։ Սրահը բացվեց 2013 թվականին։ Այսօր ցուցասրահը անմխիթար վիճակում է, տանիքից ջուր է կաթում, պատերը ճաքել են, Իսաբեկյանի ստեղծագործությունները վերացման սպառնալիքի տակ են։

«Նոր քաղաքապետ Հայկ Մարությանի երդմնակալության ժամանակ այս մասին ասացի նրան։ Հիմա երկրում նախընտրական իրարանցում է։ Հասկանալի է, որ դրա ժամանակը չէ, բայց հուսով եմ, որ հարցը շուտով կլուծվի, ու սրահը վերջապես կվերանորոգվի», – ասաց Իսաբեկյանը։

Նա խոստովանեց` հայրը դեռ կյանքի օրոք չէր ուզում, որ իր պատվին սրահ բացվի, հավանաբար կանխատեսում էր` ինչ խնդիրների է որդին բախվելու ապագայում։

© Sputnik / Andranik GhazaryanԱրամ Իսաբեկյան
Նախկին քաղաքապետը «տղամարդավարի» չվարվեց. հայ նկարչի ցուցասրահն աչքի առաջ քանդվում է  - Sputnik Արմենիա
Արամ Իսաբեկյան

Լուրջ խոչընդոտներ հաղթահարելուց հետո 2013 թվականին վերջապես հաջողվեց ցուցասրահ բացել։ Առաջին իսկ ձմեռվա ընթացքում պարզվեց, որ տանիքը վերանորոգման ու ամրացման կարիք ունի, բայց մինչև հիմա ոչինչ չի արվել այդ ուղղությամբ։ Արամ Իսաբեկյանն ընկերների հետ գումար է հավաքել, վերանորոգման որոշ աշխատանքներ է արել, բայց խնդիրը չի վերացել։

«Դա տղամարդավարի չէ», – ասաց նա` խոսելով Երևանի նախկին իշխանության մասին։

Իսաբեկյանը նշեց, որ նախկին քաղաքապետը հպարտանում էր Հայաստանի ժողովրդական նկարչի ձեռքբերումներով, բայց գործնականում ոչինչ չի արել ցուցասրահի փրկության համար։

«Հիմա նոր իշխանությունների գալուն պես մոտս հույս է առաջացել, որ այդ սրահի հարցը կլուծվի», – ասաց նա։

Էդուարդ Իսաբեկյանը (1914 - 2007) Հայաստանի ժողովրդական արտիստ է, պետական մրցանակների դափնեկիր։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала