ՀՀ նոր խորհրդարանում 44 ընդդիմադիր պատգամավոր կլինի. Արմեն Բադալյան

© Sputnik / Asatur Yesayants / Зал заседаний НС Армении перед выборами (1 мая 2018). Еревaн
Зал заседаний НС Армении перед выборами (1 мая 2018). Еревaн - Sputnik Արմենիա
Բաժանորդագրվեք
НовостиTelegram
«Իմ»քայլը 88 մանդատ է ստացել, «Լուսավոր Հայաստանը»` 19, «Բարգավաճ Հայաստանը»` 25։

ԵՐԵՎԱՆ, 10 դեկտեմբերի — Sputnik. 7-րդ գումարման խորհրդարանում ՀՀ վարչապետի պաշտոնակատար Նիկոլ Փաշինյանի «Իմ քայլը» դաշինքն 88 մանդատ կունենա։ Այս մասին Sputnik Արմենիայի թղթակցի հետ զրույցում ասաց քաղտեխնոլոգ Արմեն Բադալյանը։

Նրա հաշվարկներով` «Լուսավոր Հայաստանը» 19 մանդատ կունենա, ԲՀԿ–ն` 25։ Ընդհանուր առմամբ` խորհրդարանում 132 պատգամավոր կլինի։

Ерванд Бозоян - Sputnik Արմենիա
ՌԱԴԻՈ
Բոզոյան. «Քաղաքական վերնախավում դժգոհության ալիք է լինելու իշխանությունների նկատմամբ»

ԿԸՀ ղեկավար Տիգրան Մուկուչյանը պարզաբանել է մանդատների բաշխման սկզբունքը։ Նրա խոսքով` նախևառաջ ընտրվում են 5% կամ 7%–անոց շեմը հաղթահարած կուսակցությունները կամ դաշինքները։ Այնուհետև ԸՕ–ով սահմանված 105 մանդատները` ստացած ձայներին համապատասխան, համամասնաբար բաշխվում են կուսակցությունների միջև։ Դրանց կեսը կգնա ռեյտինգային ցուցակին, մյուս կեսը` համամասնականին։

«Ռեյտինգային ցուցակներով ևս բանաձև է գործում։ Սկզբում պետք է պարզել յուրաքանչյուր ընտրական շրջանի մանդատների քանակը։ Որից հետո պետք է որոշել, թե կուսակցություններից որը որքան մանդատ է ստանում յուրաքանչյուր ընտրատարածքից, միայն դրանից հետո կորոշվեն այն թեկնածուները, որոնք պետք է մանդատ ստանան։ Իսկ նրանք որոշվում են ստացած ձայներին համապատասխան», – հայտարարեց Մուկուչյանը` ավելացնելով, որ ԿԸՀ–ն դեռ չի ամփոփել արդյունքները։

Նշենք, որ ԿԸՀ նախնական տվյալներով, ԱԺ արտահերթ ընտրության քվեարկությանը մասնակցել են 1 միլիոն 260 հազար 840 քաղաքացի կամ ընտրողների 48.63%–ը։ Հաղթել է «Իմ քայլը» դաշինքը (70,44%), երկրորդ տեղում է «Բարգավաճ Հայաստան» կուսակցությունը` (8,27%), երրորդում` «Լուսավոր Հայաստանը» (6,37%):

Լրահոս
0