ԵՐԵՎԱՆ, 13 դեկտեմբերի — Sputnik. Հայաստանի կառավարությունը կավելացնի ուսման վարձի զեղչ ստացող ուսանողների քանակը պետական բուհերում։ Այս մասին հայտնի դարձավ այսօր կայացած կառավարության նիստի ընթացքում։
ՀՀ կրթության և գիտության նախարար Արայիկ Հարությունյանը ասաց, որ զեղչ կստանան որակի բարձր միջին գնահատականով (բուհերում կիրառվելիք նոր ցուցանիշ) ուսանողներն ու նրանք, ովքեր հատուկ խմբերի մեջ են ընդգրկված։
Դրանք 112 ուսանողն են, որոնք երկու կամ ավելի երեխա ունեն, նաև 2016 թվականի ապրիլյան պատերազմի ժամանակ մարտական հերթապահություն իրականացրած 649 ուսանող։ Նրանց ուսման վարձը կզեղչվի 30%–ից մինչև 50%։
Այս նպատակով պետական բյուջեն կտրամադրի լրացուցիչ 50 միլիոն դրամ։
