ԵՐԵՎԱՆ, 28 դեկտեմբերի — Sputnik. Սիրիական բանակը մտել է Մանբիջ, որը մինչ այս գտնվում էր քուրդ զինյալների վերահսկողության տակ: Այս մասին հայտնել է Սիրիայի ԶՈւ գլխավոր շտաբը, հաղորդում է ՌԻԱ Նովոստին։
«Արձագանքելով Մանբիջի բնակչության կոչին` սիրիական բանակը մտել է Մանբիջ ու այնտեղ բարձրացրել Սիրիայի Արաբական Հանրապետության դրոշը: Հայտարարության մեջ նշվում է, որ սիրիացիները պետք է կրկնապատկեն ջանքերը երկրի ինքնիշխանության պահպանման համար», – ասվում է գլխավոր շտաբի հայտարարությունում։
Սիրիայի իշխանությունները շարունակում են վճռական մնալ ահաբեկիչների ու զավթիչների դեմ պայքարում:
«Սիրիայի ԶՈւ-ն երաշխավորում է Սիրիայի բոլոր քաղաքացիների ու տվյալ տարածքում գտնվող բոլորի անվտանգությունը», – ասված է հայտարարությունում։
Քրդական ինքնապաշտպանական ջոկատները կոչ են արել վերահսկողության տակ վերցնել իրենց կողմից լքված շրջանները` տարածքը թուրքական ներխուժումից պաշտպանելու համար։
