ԵՐԵՎԱՆ, 4 հունվարի — Sputnik. Փրկարարները փլատակների տակից հանել ու տերերին են փոխանցել շանը ու վեց կատուներին, որոնց գտել են Մագնիտոգորսկում, գազի պայթյունից տուժած բազմաբնակարան տան հարևան բակում։ Այս մասին հայտնում է ՌԻԱ Նովոստին՝ հղում անելով ՌԴ ԱԻՆ-ի։
«Երեկ փրկվեցին մեկ շուն ու վեց կատու, նրանց տերերին են փոխանցել», -ասել է գործակալության զրուցակիցը։
Ավելի վաղ քաղաքի ադմինիստրացիայի մամուլի ծառայությունը հայտնել էր թութակի ու կատվի փրկության մասին։
Հիշեցնենք՝ դեկտեմբերի 31-ին նախնական տվյալներով կենցաղային գազի պայթյունի հետևանքով տասհարկանի բնակելի շենքի մուտքերից մեկը փլվել էր։
Վերջին տվյալների համաձայն՝ 39 մարդ մահացել է։ Զոհերի թվում վեց երեխա կա։
