ԵՐԵՎԱՆ, 9 հունվարի — Sputnik. Դեմքի մաշկի երիտասարդացման Vampire Facial մեթոդը, որի ընթացքում պացիենտի ձեռքից վերցրած արյան պլազմա են օգտագործում, տան պայմաններում կիրառելու դեպքում կարող է մարդու կյանք խլել։ Ի դեպ, այն մեծ տարածում է ստացել Քիմ Քարդաշյանի շնորհիվ։
The Sun պարբերականը գրում է, որ պլաստիկ վիրաբույժները խիստ քննադատել են մեթոդի ամեն քայլը տնային պայմաններում հրապարակած RunHoly կեղծանունով բլոգեր Լորեն Շիվերսին (Lauren Shivers)։
I Got the Kim #Kardashian Vampire #Facial https://t.co/mgmeCf1SYG #skincare #beautytips @PureSkinCareGrl pic.twitter.com/3MfIafk0YL
— Skin Transformer Grrl (@PureSkinCareGrl) 27 ноября 2015 г.
Փորձագետները եզրակացրել են, որ այս մեթոդն առանց բժիշկների պատշաճ հսկողության կարող է արյան վարակ առաջացնել ու մահվան ելք ունենալ։
Ինքը` Շիվերսը, որպես պրոֆեսիոնալ է ներկայանում ու կոչ է անում օգտատերերին պատասխանատվությունն իրենց վրա վերցնել ու ռիսկ դիմել։
«Հասկանում եմ, որ ատելությամբ լի բազում հաղորդագրություններ կստանամ, սա ծայրահեղ միջոց է, որից հետո շատ մարդկանց մոտ խնդիրներ կլինեն» , – գրել է նա։
Շիվերսն ընդգծում է, որ պարզապես ներկայացնում է համակարգված տեղեկություն, որը նա մաս–մաս հավաքել է տարբեր աղբյուրներից, որպեսզի օգնի մի փոքր տնտեսել թանկարժեք պրոցեդուրաների վրա։
Մասնագետների շրջանում հրապարակումն իսկական իրարանցում է առաջացրել։ Վիրաբույժ Կրիստոֆեր Ինգլֆիլդը զգուշացրել է, որ տան պայմաններում այս պրոցեդուրան կարող է հանգեցնել կուրության, նյարդերի վնասվածքների, հյուսվածքների վարակման ու անգամ մահվան։
Մաշկաբան Ադիլ Շերազը խորհուրդ է տվել հրաժարվել դեմքի մաշկի վիճակը լավացնելու վիրաբուժական միջամտությունից ու դրա փոխարեն վերանայել սովորությունները սննդի հարցում։
Ի սկզբանե Vampire Facial բյութի–պրոցեդուրան հայտնի էր դարձել Քիմ Քարդաշյանի շնորհիվ, սակայն հեսռուստաաստղն անցել է այն միայն մասնագիտացված կլինիկաներում։