Կպահպանի սիրտը, կօգնի հաղթահարել դիաբետը. հայտնի է 2019թ–ի լավագույն դիետան

© Sputnik / Владимир Вяткин / Անցնել ֆոտոբանկВенеция, ресторан
Венеция, ресторан - Sputnik Արմենիա
Բաժանորդագրվեք
Yandex newsTelegram
Ճիշտ սնվելու հարցերով ամերիկյան փորձագետները կատարել են ավելի քան 40 հայտնի դիետաների վերլուծություն և գրեթե միաձայն ընտրել 2019թ.–ի ամենաարդյունավետ դիետան։

ԵՐԵՎԱՆ, 8 հունվարի — Sputnik. Դիետոլոգիայի ոլորտում ամերիկյան մասնագետներն ընտրել են 2019թ.–ի լավագույն սննդակարգը։ Լավագույն դիետաների վարկանիշը հրապարակվել է U.S. News & World Report ամսագրում։

Փորձագետները վերլուծել են աշխարհում ավելի քան 40 առավել հայտնի դիետաները` միաձայն լավագույնը ճանաչելով սնվելու միջերկրածովյան համակարգը։

Փորձագետների կարծիքով` դիետան ոչ միայն նպաստում է քաշի նվազեցմանը, այլ նաև փոքրացնում է դիաբետի և սրտանոթային համակարգի մի շարք հիվանդությունների զարգացման վտանգը։

© Sputnik / Наталья Селиверстова / Անցնել ֆոտոբանկԱղցաններ
Կպահպանի սիրտը, կօգնի հաղթահարել դիաբետը. հայտնի է 2019թ–ի լավագույն դիետան - Sputnik Արմենիա
Աղցաններ

Այն ենթադրում է հիմնականում բուսական սննդի օգտագործում և մսի ու քաղցրի սահմանափակում։

Միջերկրածովյան սննդակարգի համար բնորոշ է մեծ քանակությամբ սեզոնային մրգերի և բանջարեղենի, կանաչեղենի, ընդեղենի, ընկուզեղենի, ձավարեղենի, կոպիտ աղացած ալյուրից հացի, ցորենի կարծր տեսակներից մակարոնեղենի օգտագործում։ Պարտադիր է ձիթապտղի յուղի առկայությունը ճաշատեսակներ պատրաստելիս։ Միաժամանակ պետք է զուսպ լինելու տավարի, հորթի, ոչխարի մսի, թռչնամսի հարցում։

© AFP 2022 / VALERIE MACONԾովամթերք
Կպահպանի սիրտը, կօգնի հաղթահարել դիաբետը. հայտնի է 2019թ–ի լավագույն դիետան - Sputnik Արմենիա
Ծովամթերք

Իսկ խոզի միսը գրեթե լիովին հանված է օգտագործվող մթերքների ցուցակից։

Փոխարենը դիետայի մեջ ներառված է ձուկ և ծովամթերք` Օմեգա 3 և Օմեգա 6 ճարպաթթուների հիմնական աղբյուրները։

Կաթնամքերից պետք է նախապատվությունը տալ թթվեցրած կաթից պատրաստված մթերքներին առանց շաքարի։

Վարկանիշի երկրորդ հորիզոնականում գտնվում է DASH դիետան։ Այն մշակել են հիպերտոնիայի դեմ պայքարելու համար։ Դիետան ենթադրում է հրաժարում մեծ քանակությամբ աղից և նատրիումից։ Սնվելու նման սխեման օգնում է կայունացնել արյան ճնշումը և նպաստում աղեստամոքսային տրակտի օրգանների մաքրմանը։

© Sputnik / Евгений Биятов / Անցնել ֆոտոբանկՊանրի տեսականի
Կպահպանի սիրտը, կօգնի հաղթահարել դիաբետը. հայտնի է 2019թ–ի լավագույն դիետան - Sputnik Արմենիա
Պանրի տեսականի

Այս դիետային հետևելու համար սննդակարգի մեջ պետք է ներառված լինեն մրգեր, բանջարեղեն, հացահատիկեղեն, սպիտակուց պարունակող մթերքներ և կաթնամթերք։

Երրորդ տեղը զբաղեցրել է ֆլեքսիտարիանությունը։ Գլխավոր գաղափարը մսամթերքի չափավոր օգտագործումն է։

Այս դիետային հետևողներն ուտում են բուսական ծագման սնունդ` բանջարեղեն, միրգ և ձավարեղեն։

Լավագույն հնգյակի մեջ մտել են բանականության համար դիետան (MIND) և քաշին հետևողների դիետան (Weight Watchers)։

Լրահոս
0