Թբիլիսիում բռնության ենթարկված Մեծ հայրենականի վետերան Սերգո Միրզոյանի վիճակը վատ չէ

© Photo : press office of the Embassy of Armenia in GeorgiaСотрудники посольства Армении в Грузии посетили ветерана Великой Отечественной войны Серго Мирзояна (19 января 2019). Тбилиси
Сотрудники посольства Армении в Грузии посетили ветерана Великой Отечественной войны Серго Мирзояна (19 января 2019). Тбилиси - Sputnik Արմենիա
Անհայտ անձինք Վրաստանի մայրաքաղաքում ներխուժել էին Երկրորդ աշխարհամարտի վետերան Սերգեյ Միրզոյանի բնակարան, ծեծել նրան և թալանել տունը:

ԵՐԵՎԱՆ, 19 հունվար — Sputnik. Թբիլիսիում բռնության ենթարկված Սերգո Միրզոյանի հետ ամեն ինչ կարգին է: Այս մասին տեղեկանում ենք Վրաստանում Հայաստանի դեսպանության Facebook-ի էջից:

Сотрудники полиции Армении на площади Республики - Sputnik Արմենիա
Mercedes-ի վրա հարձակվողներին Ոստիկանությունը գտել է. մանրամասներ

Վրաստանում ՀՀ դիվանագիտական առաքելության ներկայացուցիչներն այսօր այցելել են Սերգո Միրզոյանին, հետաքրքրվել նրա առողջությամբ և որոշակի ֆինանսական օգնություն ցուցաբերել։

Սերգո Միրզոյանը, տեղեկանալով, որ դեպքը մեծ արձագանք է ստացել Հայաստանում ու Վրաստանում, ու շատերն են անհանգստանում նրա որպիսությամբ, խնդրել է փոխանցել, որ իր հետ ամեն ինչ կարգին է և շնորհակալություն է հայտնել իր անձի հանդեպ ցուցաբերված հետաքրքրության համար։

Դիվանագետների հետ զրույցում Սերգո Միրզոյանը հիացմունքով էր հիշում նախորդ տարի՝ մայիսի 9-ին, Վրաստանում ՀՀ դեսպանության դիվանագետների այցը և շնորհավորանքը։

Հիշեցնենք, որ երեկ՝ հունվարի 18-ին, վաղ առավոտյան անհայտ անձինք ներխուժել են Հայրենական մեծ  պատերազմի վետերան Սերգեյ Միրզոյանի բնակարան, ծեծել նրան և թալանել են բնակարանը, որը գտնվում է Գորգասալի փողոցում. չարագործները բնակարանից գողացել են մի քանի ամսվա թոշակը և ընտանեկան իրեր:

Ըստ վրացական լրատվամիջոցների՝ հարևանների տեղեկատվությամբ, հարձակվողները երկուսն են եղել, բնակարան մտնելու համար կոտրել են դուռը:

Հետաքննություն է սկսվել Վրաստանի քրեական օրենսգրքի 179-րդ հոդվածի հատկանիշներով:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала