Սխալներ և ձեռքբերումներ. ո՞րն է Հայաստանի և Ռուսաստանի փոխգործակցության նոր ձևաչափը

© Photo / official site of the Prime minister of RAВстреча и.о. премьер-министра Армении Никола Пашиняна и президента России Владимира Путина перед началом заседания Высшего Евразийского экономического совета (6 декабря 2018). Санкт-Петербург
Встреча и.о. премьер-министра Армении Никола Пашиняна и президента России Владимира Путина перед началом заседания Высшего Евразийского экономического совета (6 декабря 2018). Санкт-Петербург - Sputnik Արմենիա
Վերջին ամիսներին Երևանում և Մոսկվայում մի շարք փորձագետներ ու քաղաքական գործիչներ որոշակի զգուշավորությամբ են հետևել Հայաստանում ընթացող գործընթացներին՝ ժամանակ առ ժամանակ մտահոգություն հայտնելով Երևանի արտաքին քաղաքականության հնարավոր փոփոխության առիթով։

ԵՐԵՎԱՆ, 20 հունվարի — Sputnik, Աշոտ Սաֆարյան․ Հայ-ռուսական հարաբերություններում սպասողական իրավիճակն արդեն ավարտվել է և սկսվել է ՀՀ նոր իշխանությունների հետ փոխգործակցություն կառուցելու գործընթացը: Sputnik Արմենիայի հետ հարցազրույցում նման կարծիք հայտնեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը։

Բացառիկ հարցազրույց Անվտանգության խորհրդի քարտուղար Արմեն Գրիգորյանի հետ - Sputnik Արմենիա
Բացառիկ հարցազրույց ՀՀ անվտանգության խորհրդի քարտուղար Արմեն Գրիգորյանի հետ

Վերջին ամիսներին Երևանում և Մոսկվայում մի շարք փորձագետներ և քաղաքական գործիչներ որոշակի զգուշավորությամբ են հետևել Հայաստանում ընթացող գործընթացներին՝ ժամանակ առ ժամանակ մտահոգություն հայտնելով Երևանի արտաքին քաղաքականության հնարավոր փոփոխության առիթով։ Իսկ Հայաստանի սահմանին ռուսական գազի գնի բարձրացումը շատերի կողմից մեկնաբանվել է որպես քաղաքական քայլ Մոսկվայի կողմից։ Ալեքսանդր Իսկանդարյանը չի կիսում նման խուճապային տրամադրությունները։

Բացի այդ Վլադիմիր Պուտինն արտասահմանյան գործընկերների շարքում առաջինն է շնորհավորել Նիկոլ Փաշինյանին վարչապետ նշանակվելու կապակցությամբ։ Քաղաքական դավադրության տեսությունների և դիվանագիտական սնահավատությունների սիրահարներների համար Պուտինի այդ ժեստը կարող է ցրել ցանկացած կասկած։

«Հայաստանի իշխանությունները և անձամբ Փաշինյանը բազիցս ասել են, որ արտաքին քաղաքական վեկտորը չի փոխվի։ Կարծում եմ, որ դրա համար կա քաղաքական կամք և ճիշտ ընկալում։ Բայց պետք հաշվի առնել, որ իշխանության միջանցքներում մարդիկ փոխվում են։ Նրանք ուրիշ բեքգրաունդով, ծագումով, կենսագրությամբ են», - ասում է Իսկանդարյանը։

Այդ առումով, երկկողմանի հարաբերություններում հնարավոր է տրամադրությունների որոշակի փոփոխություն։ Փորձագետի խոսքով՝ Հայաստանում իշխանության է եկել հետխորհրդային սերունդը։ Այս մարդիկ ապրել են այլ միջավայրում՝ ի տարբերություն նախորդների, որոնք առավելապես խորհրդային բեքգրաունդ են ունեցել։ Եվ հենց դրանով պայմանավորված՝ շատ բաների դասավորությունը երկրում այլ կերպ կլինի։

Премьер-министр Армении Никол Пашинян и президент России Владимир Путин после заседания Совета глав государств-участников СНГ (28 сентября 2018). Душанбе - Sputnik Արմենիա
Հայաստանի համար ռուսական գազի գինը կպարզվի սեղմ ժամկետներում. քաղաքագետ

Սակայն իրավիճակը դրանից դրամատիկական փոփոխությունների չի ենթարկվի, թեև հարաբերությունների դինամիկան և ոճը այլ կլինեն։

«Ենթադրելով, որ նոր ոճը կարող է արտացոլվել տնտեսական որոշումների վրա, այնուամենայնիվ, չեմ կարծում, որ գազի գնի բարձրացումը պետք է դիտարկել այդ լույսի ներքո։ Մոսկվայի էներգետիկ քաղաքականությունն ուղղված չէ Հայաստանի դեմ։ Գազի սակագինն ընդհանուր որոշում է, և այն պետք է դիտարկել ավելի լայն, գլոբալ համատեքստում», - կարծում է մեր զրուցակիցը։

Նրա խոսքով՝ Սերժ Սարգսյանի և Վլադիմիր Պուտինի միջև եղել է փոխգորխակցության որոշակի ձևաչափ, ձևավորված ավանդույթ, եղել են մշակված մեխանիզմներ և այլն։ Բայց հիմա Հայաստանում իշխանության է եկել բոլորովին նոր մարդ։ Եվ պետք է մշակել աշխատանքի և հարաբերությունների նոր ձևաչափ։

«Եթե դիտարկենք հանդիպումների հաճախականությունը, ապա կտեսնենք, որ այդ ձևաչափի ակտիվ մշակումն արդեն ընթանում է։ Կողմերը հիմա ստեղծում են ինչ-որ ռելսեր, որոնցով առաջ են շարժվելու։ Այդ գործընթացը, իհարկե, ժամանակ է պահանջում», - ասաց Իսկանդարյանը։

Քաղաքագետն այստեղ առանցքային է համարում այդ ձևաչափը ստեղծելու ցանկությունը և մտադրությունը։ Ժամանակը ցույց կտա, թե ինչպես կստացվի։ Անշուշտ, եղել են սխալներ, բայց եղել են նաև ձեռքբերումներ։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала