Հովիկի և Լիլիի հետքերով․ Նիդեռլանդների ԱԺ–ում համակարծիք չեն միգրանտ երեխաների հարցում

© Sputnik / Laura SarkisianПлощадь Дам, Амстердам, Нидерланды
Площадь Дам, Амстердам, Нидерланды - Sputnik Արմենիա
Մոտ 400 երեխա կարող են արտաքսվել երկրից։ Նրանց շարքում են նաև Թամրազյան ընտանիքի երեխաները, որոնք թաքնվել են Հաագայի եկեղեցում։

ԵՐԵՎԱՆ, 20 հունվարի — Sputnik. Միգրանտ երեխաներին ընդունելու հարցում նիդեռլանդական խորհրդարանի իշխող կոալիցիայի կարծիքը բաժանվել է, հաղորդում  է Dutch News-ը։ Կոալիցիայում չորս կուսակցություններից երեքը կողմ են, որպեսզի Նիդեռլանդներում ծնված երեխաներին չարտաքսեն երկրից։

Հիմա արտաքսում է սպառնում մոտ 400 երեխայի։ Տեսականորեն նրանք կարող են մնալ, բայց դրա համար սահմանվել են նոր խիստ կանոններ, որոնք կարող են խանգարել նրանց։ Եթե փախստականները բաց թողնեն նույնիսկ մեկ հանդիպում միգրացիոն ծառայության հետ, ապա դա կարող է բավարար լինել նրանց արտաքսելու համար։

Брат и сестра Тамразяны во время службы в церкви (30 октября 2018). Гаага - Sputnik Արմենիա
Հաագայի եկեղեցում ապրող Թամրազյաններին կարտաքսեն. եկեղեցին խոստանում է օգնել հայերին

Քրիստոնյա դեմոկրատները և D66 կուսակցությունն արդեն արտահայտվել են արտաքսման կանոնները մեղմացնելու օգտին։ Հիմա այդ կուսակցությունները կոչ են անում միգրացիայի հարցերով նախարար Մարկ Հարբերսին վերանայել երեխաների բոլոր 400 գործերը և թույլ տալ նրանց մնալ (նախարարը նման լիազորություններ ունի)։ Ինչպես հայտարարել է Հարբերսը, նա արդեն ստեղծել է անկախ հանձնաժողով հարցը քննարկելու համար։

«Գաղտնիք չէ, որ կոալիցիայում կարող են լինել տարբեր կարծիքներ։ Ուստի, մենք հուշագիր ենք կնքել։ Հենց դրանով էլ ես ղեկավարվում եմ», - հայտարարել է նա։

Նշենք, որ Հարբերսը, ինչպես նաև Հոլանդիայի վարչապետ Մարկ Ռյուտեն ներկայացնում են VVD կուսակցությունը, որը միշտ ելույթ է ունեցել միգրանտ երեխաների նկատմամբ զիջողականություն ցուցաբերելու դեմ։

Նշենք, որ լայն արձագանք են ստացել երկու հայկական ընտանիքների գործերը, որոնց սպառնում է արտաքսում։ Առաջին դեպքում Հովիկը և Լիլին  իրավունք են ստացել մնալ երկրում։ Նրանց մայրը՝ Արմինե Համբարձումյանը, արտաքսվել է Հայաստան։ Երկրորդ դեպքում Թամրազյանների ընտանիքը Հաագայում թաքնվել է բողոքական եկեղեցում։ Այստեղ քահանաները շուրջօրյա պատարագ  են անցկացնում, որպեսզի ոստիկանությունը չկարողանա մտնել եկեղեցի։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала