Մարզպետները շատ են աշխատել, իրենց պարգևատրել են, իսկ դուք օբյեկտիվ չեք. Աղաջանյան

© Sputnik / Asatur YesayantsРуководитель аппарата премьер-министра Армении Эдуард Агаджанян на заседании правительства (8 июня 2018). Еревaн
Руководитель аппарата премьер-министра Армении Эдуард Агаджанян на заседании правительства (8 июня 2018). Еревaн - Sputnik Արմենիա
Բաժանորդագրվեք
Կառավարության ներկայացուցիչը մեկնաբանել է ինքնապարգևատրած մարզպետների արարքն ու մեղադրել հանրությանն ու լրագրողներին։

ԵՐԵՎԱՆ, 22 հունվարի — Sputnik. ՀՀ Կառավարության աշխատակազմի ղեկավար Էդուարդ Աղաջանյանին զարմացրել է այն, որ վերջին օրերին հանրության ամենաքննարկված թեման մարզպետների «շռայլ» պարգևավճարներն են։ Այս մասին Աղաջանյանը գրել է իր ֆեյսբուքյան էջում` հավելելով, որ դրա համար հանրությունն իրենց համեմատում է նախկին իշխանությունների հետ` ասելով, թե «սրանք նրանցից առանձնապես չեն էլ տարբերվում»։

Губернатор Сюника Унан Погосян встретился с журналистами после заседания Правительства (16 октября 2018). Еревaн - Sputnik Արմենիա
Իրավիճակ չի՞ փոխվել, կամ մարզպետների աննախադեպ շռայլությունը զարմանալու տեղ չի թողնում

Կառավարության աշխատակազմի ղեկավարը նաև մեկնաբանել է, թե ինչու են նոր մարզպետները որոշել իրենք իրենց պարգևատրել։ «Ես կարծում եմ, որ այս դիսկուրսում ամբողջությամբ անտեսվել է պաշտոնյաների աշխատանքային ժամերից դուրս կատարած աշխատանքը։ Իսկ արդյո՞ք քաղհասարակությունը կամ լրագրողական հանրությունը տեղյակ է, որ ՀՀ կառավարության գրեթե բոլոր առանցքային պաշտոնյաները (այդ թվում մարզպետերը) միջինը օրական 12-14 ժամ աշխատանքային գրաֆիկով են ապրում, չհաշված շաբաթ-կիրակիները։ Իսկ արդյո՞ք դա ևս հանրային ուշադրության պետք է արժանանա, թե այլ բան չէր էլ ակնկալվում, 14 էլ չէ, պիտի օրական 18 ժամ աշխատեն և ստացած աշխատավարձն էլ հանգանակեն բարեգործական կազմակերպություններին»,– գրում է պաշտոնյան։

Բացի այդ նա հիշեցնում է, որ կառավարությունը նպատակ ունի պետական կառավարման ոլորտը մասնավորի համեմատ մրցունակ դարձնել։ Իսկ դրա համար կարևոր է առաջին հերթին աշխատավարձերի չափը։ «Այնուամենայնիվ, եղել է հստակ որոշում, որ դա չպետք է լինի բյուջեից հավելյալ միջոցների տրամադրման հաշվին, այլ ի հաշիվ միայն հմուտ և արդյունավետ կառավարման արդյունքում ձևավորված խնայողությունների»,– ասում է Աղաջանյանը և տեղեկացնում, որ մարզպետարանների հավելավճարների բաշխման աղբյուրների 80%-ն առաջացել է խնայողությունների և կոնկրետ աշխատավարձային ֆոնդի խնայողությունների հաշվին։

Կառավարության աշխատակազմի ղեկավարը, թեև ողջունում է, որ մամուլը խոշորացույցով է հետևում իրենց գործունեությանը, բայց և հայտարարում է, որ այս պատմության մեջ օբյեկտիվության մեծ պակաս կա։

Աղաջանյանն իր գրառման մեջ անդրադարձել է նաև Բնապահպանության և ընդերքի տեսչական մարմնի նախկին ղեկավար Արթուր Գրիգորյանին աշխատանքից ազատելու որոշմանը` նշելով, որ այն չէր կարող անակնկալ լինել, քանի որ Գրիգորյանը նախապես տեղեկացվել էր վարչապետի որոշման մասին։

Միաժամանակ, կառավարության կադրային նշանակումներն ու ազատումները, նրա խոսքով, միտված են առավել բարձր մակարդակի մասնագետների ներգրավմանը և կառավարության աշխատանքի արդյունավետության բարձրացմանը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала