Հայկ Մարությանը պարգևատրել է ոչ միայն քաղաքապետարանի աշխատակիցներին

© Sputnik / Aram NersesyanЗаседание совета старейшин Еревана (15 января 2019). Еревaн
Заседание совета старейшин Еревана (15 января 2019). Еревaн - Sputnik Արմենիա
Բաժանորդագրվեք
Բացի Երևանի քաղաքապետարանի աշխատակիցներից, քաղաքապետի պարգևատրումներին են արժանացել նաև համայնքային ու տարածքային այլ կառույցների աշխատակիցները։

ԵՐԵՎԱՆ, 23 հունվարի — Sputnik. Երևանի քաղաքապետն ինքն իրեն չի պարգևատրել։ Sputnik Արմենիայի հետ զրույցում այս մասին ասաց Երևանի քաղաքապետի մամուլի քարտուղար Հակոբ Կարապետյանը` նշելով, որ պարգևավճարներ են ստացել մյուս բոլոր աշխատակիցները։

«Քաղաքապետարանի մնացած 1628 աշխատակիցները տարեվերջին ստացել են պարգևավճարներ` ընդհանուր առմամբ 474 միլիոն դրամի չափով»,– ասաց նա։

Կարապետյանը նաև հայտնեց, որ տվյալ գումարը հատկացվել է քաղաքային բյուջեի տնտեսումներից։ «Մարությանի պաշտոնավարման 100 օրերի ընթացում տնտեսվել է շուրջ 7 միլիարդ դրամ»,– ասաց մեր զրուցակիցը։

Инесса Габаян - Sputnik Արմենիա
Ջրային կոմիտեի պետը պարգևատրել է իրեն ու գումարը նվիրել «Իմ քայլին». «Հրապարակ»

Իսկ թե քաղաքապետարանի աշխատակիցներից ով որքան գումարով է պարգևատրվել, քաղաքապետի մամուլի քարտուղարը հրաժարվեց բացահայտել` հավելելով, որ այդ տեղեկությունը կարող է անձնական գաղտնիք պարունակել։

«Հաշվի առնելով այս հարցի շուրջ հանրային հետաքրքրությունը` քաղաքապետարանն արդարադատության նախարարությանը հարցում է ուղղել, թե արդյո՞ք այդ տեղեկությունները հրապարակելու իրավունք ունի։ Եվ հիմա սպասում ենք արդարադատության նախարարության պատասխանին։ Եթե այդ տեղեկություններն անձնական գաղտնիք չեն պարունակում, նախարարությունն էլ թույլ տա հրապարակել, դրանք կհրապարակվեն»,– ասաց մեր զրուցակիցը։

Իսկ մինչ այդ քաղաքապետարանի կայքում հրապարակված` քաղաքապետի 21.12.2018թ.–ի կարգադրությունից պարզ է դառնում, որ Հայկ Մարությանը հրահանգել է Երևանի քաղաքապետարանի աշխատակիցներին խրախուսել դրամական պարգևներով` աշխատավարձի ֆոնդի տնտեսման հաշվին`մեկամսյա աշխատավարձի չափով։

Вице-спикер парламента Армении Лена Назарян на заседании парламента Армении (15 января 2019). Еревaн - Sputnik Արմենիա
Կոռուպցիա՞ն էլ «իներցիայով» կվերադառնա. պարգևավճարներ «Թավշյա հեղափոխություն» ՇՍՊԸ–ում

Բայց նույն կայքից հայտնի է դառնում նաև, որ քաղաքապետից պարգևատրումներ են ստացել ոչ միայն քաղաքապետարանի աշխատակիցները։

25.12.2018թ.–ի կարգադրությամբ Հայկ Մարությանը քաղաքային բյուջեից 4 752 907 դրամ նվիրատվություն է հատկացրել «Երևան քաղաքի կառավարման տեխնոլոգիաների կենտրոն» ՓԲԸ-ին` աշխատակիցներին խրախուսելու նպատակով։

Նույն օրվա մեկ այլ կարգադրությամբ 2 632 000 դրամ էլ նվիրաբերվել է «Երևանտրանս» ՓԲԸ-ի աշխատակիցներին խրախուսելու համար։

Դեկտեմբերի 25-ի մեկ այլ կարգադրությամբ էլ քաղաքապետը պարգևատրումներ է արել Երևանի վարչական շրջանների աշխատակիցներին`մեկամսյա աշխատավարձի չափով, սոցիալական ծառայության տարածքային կենտրոնների և քաղաքացիական կացության ակտերի գրանցման տարածքային բաժինների աշխատակիցներին` ոչ ավել, քան մեկամսյա աշխատավարձի չափով։ Այս պարգևատրման ընդհանուր չափը որոշման մեջ չի նշվում։

Руководитель аппарата премьер-министра Армении Эдуард Агаджанян на заседании правительства (8 июня 2018). Еревaн - Sputnik Արմենիա
Մարզպետները շատ են աշխատել, իրենց պարգևատրել են, իսկ դուք օբյեկտիվ չեք. Աղաջանյան

Նշենք, որ ըստ քաղաքապետարանից Sputnik Արմենիային տրված պարզաբանման` այս բոլոր պարգևատրումները նորություն չեն և կատարվել են նաև նախկինում` ամեն տարեվերջին։

Եվ 2018թ–ի համար ևս պլանավորված են եղել այդ տարվա բյուջեով, որը հաստատվել էր 2017թ–ին։

Բայց այս տարվանից սկսած` քաղաքապետը որոշել է փոխել կարգը և աշխատակիցներին այսուհետ պարգևատրել ըստ աշխատանքի արդյունավետության գնահատման գործակցի։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала