Հարյուրավոր հնդիկները դաշույններով ու երկար ասեղներով ծակում են լեզուները և այտերը, ոտաբոբիկ անցնում թեժ ածուխի վրայով։
Նրանք հավատում են, որ այդպես կկարողանան արժանանալ աստծու ողորմածությանը։ Հնդկաստանից բացի, Թայպուսամ տոնը նշում են նաև Սինգապուրում, Մալայզիայում և Մավրիկիայում։
Փառատոնը նվիրված է Մուրուգանին` «պատերազմի աստծուն», Շիվայի որդուն, որը պայքարում է չար ուժերի հետ։ Նա կախարդական նիզակի օգնությամբ հաղթել է աշխարհն ահաբեկած սատանային։ Դրա պատվին էլ տոնակատարություններ են անցկացնում։
Հավատալիք կա, որ եթե տոնից առաջ մարդը ճիշտ է պահել պահքը, ապա նրա մարմնի վրա արյուն չի հայտնվի։
