ԵՐԵՎԱՆ, 25 հունվարի — Sputnik. «Աէրոֆլոտ» ընկերության 130 չվերթներ չեղարկվել են հանգստյան օրերին անբարենպաստ եղանակային պայմանների պատճառով։ Չեղյալ հայտարարված թռիչքների ցուցակում է Երևան–Մոսկվա (SU1861) չվերթը` նախատեսված հունվարի 26–ին։ Չի կայանա նաև Մոսկվա–Երևան (SU1868) թռիչքը` նշանակված հունվարի 27–ին։
Ավիաընկերության հաղորդագրությունում նշվում է, որ հունվարի 26–ին կչեղարկվեն 68 չվերթներ, հունվարի 27–ին` 63։
«Ուղևորներին տեղեկացնելն իրականացվում է տեղեկատվության և տոմսեր ամրագրելու կենտրոնի միջոցով։ Գրանցվելու համար ժամանած ուղևորները կապահովվեն անհրաժեշտ ամեն ինչով «Աերոֆլոտի» դաշնային ավիացիոն կանոններին և չափանիշներին համապատասխան», – ասվում է ընկերության հաղորդագրության մեջ։
Մասնավորապես, չեղյալ են հայտարարվել Մոսկվայից Լոնդոն, Ստամբուլ, Բուխարեստ, Հռոմ, Միլան, Հելսինկի, Տալին և հակառակը չվերթները, ինչպես նաև դեպի մի շարք ուրիշ եվրոպական և ռուսական քաղաքներ։
Եղանակի կանխատեսման համաձայն, հանգստյան օրերին Մոսկվայում և Մոսկվայի շրջանում ձյուն է տեղալու` տեղ–տեղ առատ, սպասվում է մրրիկ և ձնաբուք։
