ԵՐԵՎԱՆ, 25 հունվարի — Sputnik. Պրոդյուսեր Ռուբեն Դիշդիշյանը Երևան է բերել «Տ-34» ռուսական արտադրության արկածային էքշն–բլոքբասթերը։
Դիշդիշյանը հայրենակիցներին ողջունեց հայերենով։ Պրոդյուսերը խոստովանեց, որ իր համար շատ հաճելի է և մեծ պատասխանատվություն է նման ֆիլմը բերել այն քաղաք, որտեղ նա անցկացրել է կյանքի առաջին 30 տարիները։
«Զգացմունքային և ժամանակակից ֆիլմ է ստացվել։ Այն կգնահատի ոչ միայն երիտասարդությունը։ Ֆիլմը ընկերության, սիրո և հավատարմության, սխրանքի մասին է։ Այն դիտել է ութ միլիոն մարդ, հավանաբար, մեզ մոտ ստացվել է նկարել այն, ինչ ուզում էինք», – ասաց պրոդյուսերը։
Դիշդիշյանից բացի Երևան են եկել գլխավոր դերակատարներ Անտոն Բագդանովը և Վիկտոր Դոբրոնրավովը։ Իսկ ռեժիսոր Ալեքսեյ Սիդորովը և գլխավոր դերակատար Ալեքսանդր Պետրովը չեն կարողացել գալ։ Պետրովը նշում էր իր 30–ամյա հոբելյանը։ Գործընկերները ուղիղ եթերում շնորհավորեցին նրան երևանյան կինոթատրոնի բեմից։
«Ֆիլմը դիտելուց հետո մարդը հպարտություն է ապրում։ Կինոն պետք է ոգեշնչի, միավորի և կրթի։ Ինձ թվում է` մեզ հաջողվել է հուզել և մենք ուրախ են ցուցադրել ֆիլմը Երևանում», – ասաց Դոբրոնրավովը։
Նա նշեց, որ իր ութ տարեկան աղջիկը ֆիլմը դիտել է մեծ հաճույքով և հետաքրքրությամբ։ Նրան պատմել են, որ դիտումից հետո հրաժարվել են «տանչիկի» խաղում լինել գերմանացիների կողմից, մյուսները դնում են աթոռակները և տանկիստներ խաղում։ Նկարահանման հրապարակում նույնպես հետաքրքիր է եղել, քանի որ հավաքվել են տարբեր ազգությունների ներկայացուցիչներ, իսկ նկարահանումները տեղի են ունեցել մարտականին մոտ պայմաններում։
Իր հերթին Հայաստանում Ռուսաստանի դեսպան Սերգեյ Կոպիրկինը նշեց, որ ինչքան վաղուց են տեղի ունեցել պատմական իրադարձությունները, այնքան մեծ է դրանք վերագրելու կամ մեկնաբանելու գայթակղությունը։ Նման ֆիլմերը ոչ միայն գեղագիտական և ինտելեկտուալ հաճույք են պատճառում, այլ նաև նպաստում են հիշողության, իրադարձությունների և խորհրդային ժողովրդի սխրանքի մասին ճշմարտության պահպանմանը։ Նրա համոզմամբ` երիտասարդության համար ֆիլմը կարևոր է որպես իսկական հայրենասիրության օրինակ և նախնիներով հպարտանալու հնարավորություն։
