ԵՐԵՎԱՆ, 1 փետրվարի — Sputnik. Հայաստանը Ռուսաստանից չորս նոր Սու-30ՍՄ կստանա 2020 թվականին:
Ինչպես տեղեկացնում է ռուսական «Կոմերսանտը» Հայաստանը Ռուսաստանի հետ Սու-30ՍՄ 4 բազմաֆունկցիոնալ կործանիչ գնելու պայմանագիր է կնքել, որոնք Հայաստանի զինված ուժերը կստանան 2020 թվականին: Կործանիչները հայկական կողմին տրամադրվում են ռուսական վարկով և ռուսաստանյան ներքին գներով:
Գործարքն իրականացվում է ՀԱՊԿ-ի շրջանակում: Հայաստանի ռազմաօդային ուժերի յուրաքանչյուր կործանիչի արժեքը կլինի այնքան, որքան արժեն Ռուսաստանի զինված ուժերի համար։ Այսպիսի պայմանները իսկական նվեր կարելի է համարել:
«Սա Հայաստանի պաշտպանության նախարարության հետ կնքված առաջին պայմանագիրն է Նիկոլ Փաշինյանի պաշտոնավարման օրոք: Մեզ համար կարևոր էր ՀԱՊԿ-ում դաշնակից երկրի հետ դիրքերի ամրության հաստատումը»,- ասել է պարբերականի աղբյուրը:
Պայմանագիրը նախատեսում է նաև ռուսական ռազմակայաններում հայ օդաչուների վերապատրաստում:
