ԵՐԵՎԱՆ, 2 փետրվարի - Sputnik. Ավան և Նոր Նորք տանող Մյասնիկյան պողոտայում` «Արքայաձոր» ռեստորանի մոտակայքում, այսօր ճանապարհատրանսպորտային պատահար է գրանցվել։
Պատահարից հետո ճանապարհին են թափվել հյութերի շշերն ու արկղերը։
Նախնական տվյալների համաձայն՝ «Մերսեդես» մակնիշի ավտոմեքենան հարվածել է «Գազելին», ինչի հետևանքով մեքենան շրջվել է, իսկ բեռնախցիկի պարունակությունը թափվել ճանապարհին։
Տեղում խցանում է առաջացել, քանի որ ճանապարհը դեռ չեն մաքրել։ Դեպքի վայրում են նաև «Շտապօգնության» աշխատակիցները։
