ԵՐԵՎԱՆ, 18 փետրվարի — Sputnik. Գործարար Ալեքսիս Օհանյանը Instagram սոցիալական ցանցում հրապարակել է դստեր նոր լուսանկարը։
«Այստեղ բադիկներն ու ճուտիկներ են լինելու», – լուսանկարին կից գրել է նա։
Զույգի երկրպագուները միանգամից արձագանքել են։ Շատերը հավանել են Օլիմպիայի գեղեցիկ զգեստը, մյուսներն աղջկա ծնողներին շնորհակալություն են հայտնել` փոքրիկի մեծանալուն հետևելու հնարավորության համար։
«Նա անգին նվեր է երկուսիդ համար», – գրել է mjgaribay49 օգտատերը։
Մի քանի ժամվա ընթացքում լուսանկարն ավելի քան 67 հազար «հավանության» է արժանացել։
Միլիոնատերը հաճախ է հրապարակում Instagram–ում դստեր ու կնոջ լուսանկարները։
Հիշեցնենք` «Մեծ սաղավարտ» մրցաշարի 23-ակի հաղթող Սերենա Ուիլյամսն ու Ալեքսիսն ամուսնացել են 2017 թվականին։ Նույն տարվա սեպտեմբերին ծնվել է նրանց դուստրը` Օլիմպիան։
