ԲՀԿ–ն թերահավատ է Փաշինյանի տնտեսական հեղափոխության իրականացման հարցում

© Sputnik / Aram NersesyanВице-спикер Парламента Армении Микаел Мелкумян на внеочередном заседании НС (28 августа 2018). Еревaн
Вице-спикер Парламента Армении Микаел Мелкумян на внеочередном заседании НС (28 августа 2018). Еревaн - Sputnik Արմենիա
Բաժանորդագրվեք
НовостиTelegram
Կառավարության խոստացած ներդրումները, «Բարգավաճ Հայաստանի» հաշվարկներով, 5 տարի հետո չեն հասնի անգամ 2008թ–ի մակարդակին։

ԵՐԵՎԱՆ, 18 փետրվարի — Sputnik. Կառավարության ծրագրով նախատեսված ներդրումների ծավալը խիստ անբավարար է։ Այսօր ԱԺ–ում լրագրողների հետ հանդիպմանն ասաց «Բարգավաճ Հայաստան» խմբակցության անդամ Միքայել Մելքումյանը` անդրադառնալով կառավարության ծրագրի տնտեսական մասին։

«15.5 տոկոսը 5 տարվա ընթացքում դարձնել 23 տոկոս նշանակում է, որ մենք չենք էլ հասնելու 2008թ–ի մակարդակին, երբ եղել է 41 տոկոս։ Այսինքն` 120 մլն դոլարը ամսական 8 մլն դոլար է կազմում»,– ասաց Մելքումյանը։

ԲՀԿ–ական պատգամավորը հայտնեց նաև, որ կուսակցության համոզմամբ` կառավարության ծրագիրը բավարար չէ վարչապետի հռչակած տնտեսական հեղափոխությունն իրականացնելու համար։

Наира Зограбян в гостях радио Sputnik - Sputnik Արմենիա
ՌԱԴԻՈ
Զոհրաբյան. «Կառավարության ծրագիրը չէր տալիս տնտեսական հեղափոխության բանալին»

«Բոլորս էլ հասկանում ենք, լուսնից չենք իջել, բոլորս էլ մասնագետներ ենք, որ տնտեսական հեղափոխություն ասելով` հասկանում ենք կտրուկ փոփոխություններ։ Բայց այդ կտրուկ փոփոխությունը չկա. ինչպես նախորդ կառավարությունների ժամանակ, 7-7.5 տոկոս տնտեսական աճ էր, բայց ժողովուրդը դա իր մաշկի վրա չէր զգում։ Այո, ժողովուրդը պետք է շատ արագ զգա։ Բայց մենք իրատես ենք։ Դրա համար անհրաժեշտ են նվազագույնը 2.5-3 մլրդ դոլար տարեկան ներդրումներ»,– ասաց Մելքումյանը։

Դրան զուգահեռ, սակայն, եթե այդ ներդրումները բերի կառավարությունը, ըստ Մելքումյանի, մեծապես կավելանա պետական պարտքը։ Մյուս կողմից, քանի որ հայաստանյան բանկերը չեն համաձայնում իջեցնել տոկոսադրույքները, կառավարության ներգրաված էժան փողերը կարող են հարվածել բանկային ոլորտին, որն այսօր Հայաստանի տնտեսության խոշորագույն ճյուղն է (600-700 մլրդ դրամի կապիտալ)։

Հիշեցնենք` փետրվարի 12-ին Նիկոլ Փաշինյանը կրկին հայտարարեց, որ Հայաստանը տնտեսական հեղափոխություն է անելու։

Եռօրյա բուռն քննարկումներից հետո Ազգային ժողովը փետրվարի 14-ին 82 կողմ 7 37 դեմ ձայներով ընդունեց կառավարության ծրագիրը։

«Լուսավոր Հայաստանն» ու «Բարգավաճ Հայաստանը» դեմ քվեարկեցին ծրագրին։

Լրահոս
0