Սկանդալ մշակույթի ոլորտում. ԶԼՄ-ներում հայտնված տեղեկությունն իսկապե՞ս անհիմն է

© Sputnik / Asatur YesayantsТеатр "Амазгаин"
Театр Амазгаин - Sputnik Արմենիա
Թատերական գործիչները վրդովված են մի շարք ՊՈԱԿ–ների օպտիմալացման և վերակազմակերպման մասին ԶԼՄ–ներում հայտնված փաստաթղթից։ Համացանցի օգտատերերը հետաքրքիր նախաձեռնությամբ են հանդես եկել։

ԵՐԵՎԱՆ, 28 փետրվարի — Sputnik, Նանա Մարտիրոսյան. ՀՀ մշակույթի նախարարությունը դարձյալ սկանդալի կենտրոնում է հայտնվել. այս անգամ  ՊՈԱԿ–ների (այդ թվում թատրոններ, ինստիտուտ–թանգարաններ, կինոստուդիա և նույնիսկ քառյակ) օպտիմալացման և վերակազմակերպման մասին ԶԼՄ–ներ ներթափանցած փաստաթղթի (կամ փաստաթղթի նախագծի) պատճառով։

Рипсиме Аракелян - Sputnik Արմենիա
ՌԱԴԻՈ
Առաքելյան. «Պետական կամերային երաժշտական թատրոնը լուծարելու լուրն իմացել ենք մամուլից»

Տխրահռչակ փաստաթուղթը դժգոհություն է առաջացրել մշակույթի գործիչների շարքում. Մշակույթի նախարարությունում հարցը ոչ միայն չեն զլացել քննարկել շահագրգիռ անձանց հետ, այլև նախազգուշացրել են այն մասին, որ իրենց հաստատությունները մոտ ապագայում կփակվեն, բողոքում են նրանք։

Մշակույթի նախարարի պաշտոնակատար Նազենի Ղարիբյանը փորձել է փոքր–ինչ հարթել իրավիճակը` ԶԼՄ–ների միջոցով հայտարարելով, որ մամուլի ձեռքի տակ հայտնված փաստաթուղթը պաշտոնական բնույթի չի կրում, այլ ավելի շուտ գաղափարների ուրվագիր է։

Նրա խոսքով` մյուսներին կմիանան կամ կվերակազմավորվեն միայն այն ՊՈԱԿ–ները, որոնց արդյունավետությունն այդքան էլ բարձր չէ, իսկ «արտադրության առաջատարները» մասնավորների կարգավիճակ կստանան և կկարողանան էապես բարձրացնել եկամուտները նախկին սահմանափակումները վերացնելու հաշվին։

Միևնույն ժամանակ Ղարիբյանը չբացառեց, որ գրասենյակային տարածքները կարող են մնալ ՊՈԱԿ–ների տնօրինության տակ, սակայն պետական ֆինանսավորում նրանք այլևս կարող են չակնկալել։

Նախարարի պաշտոնակատարն ընդգծում է, որ փաստաթուղթը, որը հայտնվել է մամուլում ընդամենը օրենքի չմշակված նախագիծ է, որը Մշակույթի նախարարությունը պարտադիր կքննարկի ոլորտի ներկայացուցիչների հետ։

Журналисты перед началом пресс-конференции второго президента Армении Роберта Кочаряна (14 августа 2018). Еревaн - Sputnik Արմենիա
«Աչքալուսա՞նք», թե՞ «սև թուղթ». ԶԼՄ–ներ vs իշխանություն «տարածքային վեճը» թափ է հավաքում

Կամերային երաժշտության պետական թատրոնի (որը, եթե հավատանք տխրահռչակ նախագծին, նախատեսում են միացնել Պարոնյանի անվան թատրոնին) տնօրեն Հռիփսիմե Առաքելյանը Sputnik Արմենիայի թղթակցին հայտնեց, որ Մշակույթի նախարարությունը նրա հետ որևէ քննարկում չի ունեցել և հանդիպում չի առաջարկել։

Հավանական փոփոխությունների մասին տեղեկությունը նա ստացել էր ԶԼՄ–ներից, իսկ նման պահվածքը անընդունելի է համարում։

«Համազգային» թատրոնի (որը առաջարկվում է «փոխել» և դարձնել փորձառական հարթակ ուսանողների համար) տնօրեն Արամ Նավասարդյանը հայտարարեց, որ Ղարիբյանը և բոլոր նրանք, ովքեր կազմել են այս փաստաթուղթը, չգիտեն, թե թատրոնն ինչ է։

Նրա խոսքով` «Համազգային» թատրոնը ծաղկում է. նոր շենք է կառուցվում, 7 պրեմիերա է նախատեսված, բազմաթիվ հյուրախաղեր, և այն փակելը պարզապես անգրագիտություն կլիներ, եթե ոչ ճակատագրական։

Նա նաև համաձայն չէ այն դրույթի հետ, որ թատրոնը պետք է անցնի լիարժեք ինքնաապահովման, քանի որ նույնիսկ անշլագների դեպքում այն հազիվ է կարողանում հոգալ իր ծախսերը։

Сотрудники Службы по охране исторической среды и историко-культурных музеев-заповедников - Sputnik Արմենիա
«Զորաց քարերի» թալանված դամբարանում գտնված բեկորները նոր կյանք են ստացել. լուսանկարներ

«Նազենի Ղարիբյանին հրավիրում եմ մեր թատրոն։ Թող գա, նայի մեր նոր ներկայացումը, և դրանից հետո մենք նրա հետ կքննարկենք փակման հարցը», – ասաց Նավասարդյանը։

Երգի պետական թատրոնի (որն առաջարկվում է մասնավոր հատված տեղափոխել, իսկ շենքը ջազային նվագախմբին տալ) հիմնադիր Արթուր Գրիգորյանն իր հերթին պատմեց, որ փետրվարի 28-ին զանգահարել են թատրոնի տնօրենին և հայտնել գործընթացի դադարեցման մասին։ Դա անակնկալ էր, քանի որ ինչ գործընթացի մասին էր խոսքը, որևէ մեկն այդպես էլ չհասկացավ։

Մշակույթի նախարարությունը զայրացրել էր ոչ միայն այս ՊՈԱԿ–ների ներկայացուցիչներին, այլև բազմաթիվ օգտատերերի։ Հետաքրքիր է, որ նրանցից մի քանիսը կոչ են արել համախմբվել և տոմս գնել բոլոր այն թատրոնների ներկայացումների համար, որոնք փակելու կամ միավորելու որոշում կա։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала