Ու՞մ են փռել ասֆալտին. Օսիպյանը խոսեց իրավիճակի փոփոխության «արդյունքների» մասին

© Sputnik / Asatur YesayantsНачальник полиции Армении Валерий Осипян на церемонии выдачи дипломов выпустникам военных вузов (25 июля 2018). Еревaн
Начальник полиции Армении Валерий Осипян на церемонии выдачи дипломов выпустникам военных вузов (25 июля 2018). Еревaн - Sputnik Արմենիա
ՀՀ ոստիկանության պետ Վալերիյ Օսիպյանը հանդիպել է «Իմ քայլը» խմբակցության պատգամավորների հետ։ 2 ժամ տևած հանդիպումն անցել է դռնփակ։

ԵՐԵՎԱՆ, 28 փետրվարի — Sputnik. Հանցավորության դեպքերի աճ Հայաստանում կա, բայց ոչ մտահոգիչ չափերի։ Այս մասին այսօր ԱԺ–ում լրագրողների հետ ճեպազրույցում ասաց ՀՀ ոստիկանապետ Վալերիյ Օսիպյանը։

Ահազանգ, հետապնդում, ձերբակալություն  ՀՀ ոստիկանության նոր բացահայտումները - Sputnik Արմենիա
Ահազանգ, հետապնդում, ձերբակալություն. ոստիկանության նոր բացահայտումները

«Կոնկրետ սեփականության դեմ ուղղված հանցագործությունների աճ ունենք` բնակարանային գողությունների։ Բայց բավականին լուրջ ձեռքբերումներ ունենք անձի դեմ ուղղված հանցագործությունների, անչափահասների շրջանում կատարված հանցագործությունների նվազման մասով։ Ձեռքբերումներ ունենք կոռուպցիոն հանցատեսակների մասով»,– ասաց Օսիպյանը։

Հեղափոխությունից հետո կամ, ինչպես Օսիպյանը նշեց` «իրավիճակի փոփոխության արդյունքում», նրա դիտարկմամբ հասարակությունն ավելի շատ է դիմում ոստիկանություն։ Միայն կես տարվա կտրվածքով դիմումներն 2018թ–ին 2017–ի համեմատ ավելացել են։

Ինչ վերաբերում է գողությունների դեպքերի աճին, այստեղ Օսիպյանը համաձայնեց լրագրողների այն դիտարկմանը, թե այդ վիճակագրությունը սերտորեն կապված է համաներման հետ։

Премьер-министр Никол Пашинян в день открытия книжного магазина Зангак (19 июля 2018). Еревaн - Sputnik Արմենիա
Իշխանությունը սարսափահար է, կամ ինչպես հիմա չեղարկել համաներումը

«Համաներումով ազատ արձակվածներից 58–ը 104 հանցագործության դեպք են կատարել»,– պաշտոնական տվյալները մեջբերեց ոստիկանապետը։

Օսիպյանը պատասխանեց նաև «ասֆալտին փռելու» օպերացիայի շարունակականության մասին հարցին` հայտարարելով, որ նման դեպք վերջին շրջանում եղել է։ Թե ում են փռել, ոստիկանապետը հրաժարվեց բացահայտել։

ՀՀ Ոստիկանապետ Վալերիյ Օսիպյանն ԱԺ էր հրավիրվել «Իմ քայլը» խմբակցության պատգամավորների հետ փակ հանդիպման։

«Իմ քայլը» հանդիպումների շարք է նախաձեռնել կառավարության անդամների ու գործադիր իշխանությանը ենթակա մարմինների ղեկավարների հետ։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала