ԵՐԵՎԱՆ, 2 մարտի — Sputnik. Տարեց ամերիկուհի Ջուդիթ Սթրենգը Իսլանդիայում նստել է գահի տեսք ունեցող սառցաբեկորի վրա, որպեսզի լուսանկարվի, բայց հայտնվել է բաց ծովում։ Այս մասին տեղեկացնում է ABC հեռուստաընկերությունը։
Դեպքը տեղի է ունեցել երկրի հարավ-արևելքում։ Կինը նկատել է գահանման սառցաբեկորը և որոշել է վրան նստած լուսանկար ունենալ։
Grandma swept out to sea on an iceberg while posing for a picture. @JanaiNorman has the viral moment. https://t.co/W1vUNMab63 pic.twitter.com/HqN5wg7aUp
— Good Morning America (@GMA) 1 марта 2019 г.
«Սառցաբեկորն այնպիսի տեսք ուներ, որ վրան հարմար էր նստել։ Կարծեցի՝ զվարճալի կլինի։ Երբ նստեցի, սկսեց ճոճվել, ու ալիքը մոտեցավ», - ասել է Սթրենգը։
Նրա որդին՝ Ռոդ Սթրենգը, հասցրել է լուսանկարել նրան, որից հետո սառույցը պոկվել է, ու ամերիկացի տատիկը չնախատեսված նավարկության է մեկնել։
Կինը փրկվել է ֆլորիդացի նավապետ Ռենդի Լանկտոնի շնորհիվ, որն այդ պահին մոտակայքում է եղել։
Նշվում է, որ Սթրենգի թոռը Twitter-ում մի շարք լուսանկարներ է հրապարակել, որոնք տարածվում են սոցցանցերում, օգտատերերը տարեց կնոջն արդեն «սառցաբեկորի թագուհի» են կոչել։ Սթրենգն ասել է, որ գոհ է այդ փորձությունից։
