Վարչապետին օր ու արև չեմ տալու. Շարմազանովը խոստանում է գնալ մինչև վերջ

© Sputnik / Asatur YesayantsСпециальное заседание парламента по выборам нового премьер-министра Армении (1 мая 2018). Еревaн
Специальное заседание парламента по выборам нового премьер-министра Армении (1 мая 2018). Еревaн - Sputnik Արմենիա
ՀՀԿ խոսնակ, ԱԺ նախկին փոխնախագահ Շարմազանովը Նիկոլ Փաշինյանից պահանջում է բացահայտել դավաճանների անունները և խոստանում, որ Փաշինյանին հանգիստ չի տալու։

ԵՐԵՎԱՆ, 2 մարտի — Sputnik. Հայաստանի Հանրապետական կուսակցության խոսնակ Էդուարդ Շարմազանովը ֆեյսբուքյան ուղիղ եթերում այսօր արձագանքեց ՀՀ վարչապետ Նիկոլ Փաշինյանի` Իրանում հնչեցրած հայտարարություններից մեկին։

Вице-спикер Парламента Армении Эдуард Шармазанов на внеочередном заседании НС (28 августа 2018). Еревaн - Sputnik Արմենիա
«Գալու է նաև «դո սվիդանիա» ասելու ժամանակը». Շարմազանովը դիմում է Փաշինյանին

«Օրեր առաջ Նիկոլ Փաշինյանը, որն այլևս ընդդիմադիր պատգամավոր չէ, այլ փաստացի պետության ղեկավարը, որին ենթարկվում են ուժային կառույցները՝ ոստիկանությունը, ԱԱԾ–ն, Իրանում արեց կարևոր հայտարարություն։ Նա նշեց, որ պետք է մերժվեն այն քաղաքական գործիչները, որոնք ավելի շատ օտարերկրյա գործակալներ են, քան ՀՀ քաղաքացիներ»,- ասաց Շարմազանովը` հավելելով, որ ազգային անվտանգությունը կարևորող ցանկացած նորմալ երկրում այդ հայտարարությանը կհետևեին կոնկրետ գործողություններ, և հասարակությունը կիմանար, թե ովքեր են այդ գործակալները։

Շարմազանովն ընդգծեց, որ Փաշինյանի այդ հայտարարությունից երկու օր է անցել, բայց վարչապետն ու նրա շրջապատը ոչ մի գործակալի անուն չեն հրապարակել։

«Ես՝ որպես 4-րդ, 5-րդ, 6-րդ գումարումների ԱԺ նախագահի տեղակալ և ՀՀ արժանապատիվ քաղաքացի, պահանջում եմ վարչապետ Փաշինյանից ասել՝ ովքե՞ր են այդ օտարերկրյա գործակալները, որոնք ՀՀ-ում զբաղված են պետականաքանդ գործունեությամբ: Փաշինյանն այլևս ընդդիմադիր Նիկոլը չէ, որ Ազգային ժողովի ամբիոնից օդում կախված լուրերի մասին հաղորդում տա: Իրանում Փաշինյանի հայտարարությունը հանցագործության մասին հաղորդում էր»,-ասաց Շարմազանովը`հավելելով, որ ուժային կառույցները պարզապես պարտավոր են արձագանքել վարչապետի հայտարարությանը, նրանից պահանջել ու ճշտել գործակալների ինքնությունը։

«Ես ինքս այսօրվանից սկսած օր ու արև չեմ տալու և պահանջելու եմ նրանց անունները, ովքեր, ըստ վարչապետի, զբաղված են եղել իմ պետության դեմ գործունեությամբ»,– ասաց նա։

Հիշեցնենք` փետրվարի 27-28-ին ՀՀ վարչապետ Նիկոլ Փաշինյանը պաշտոնական այցով Իրանի Իսլամական հանրապետությունում էր։ Վերոհիշյալ հայտարարությունը նա արել էր փետրվարի 28-ին` ԻԻՀ հայ համայնքի հետ հանդիպման ընթացքում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала