ԵՐԵՎԱՆ, 3 Մարտ — Sputnik. Այսօր ՀՀ վարչապետն այցելել է Կենտրոնական բանկի Դիլիջանի ուսումնահետազոտական կենտրոն։
Ինչպես տեղեկացնում են ՀՀ կառավարության մամուլի կենտրոնից, ՀՀ Կենտրոնական բանկի Դիլիջանի ուսումնահետազոտական կենտրոնում վարչապետ Նիկոլ Փաշինյանին և կառավարության անդամներին են ներկայացվել Կենտրոնական Բանկի կողմից իրականացված մի շարք ուսումնասիրություններ։
Դրանք կապված են տնտեսական աճի կանխատեսման, դրամավարկային քաղաքականության հիմնական ուղղությունների, ինչպես նաև ֆինանսական կայունության հեռանկարների և դրանց մակրոտնտեսական հետևանքների, համայնքների զարգացման, ֆինանսական ներգրավվածության հետ։
