Արցախի մայրաքաղաք Ստեփանակերտում անցկացված սոցիալական փորձարկման արդյունքն իսկապես հուզիչ է։ Տեսանյութում երևում է, թե ինչպես են մարդիկ հատ–հատ հավաքում կույր ձևացող տղամարդու գրպանից թափված թղթադրամները։ Երեխաներից մեկն էլ գումարը տալուց հետո բռնում է տղամարդու թևից ու որոշում է ուղեկցել նրան։
Փորձարկման հեղինակները որոշել են ստեփանակերտցիներին մեկ այլ փորձության էլ ենթարկել։ Նույն տղամարդը գրպանից հանել է 10 հազար դրամանոցը և խնդրել է անծանոթ մարդկանց, որ իր համար 1 տուփ շոկոլադ գնեն մոտակա խանութից։
Թե ինչպես են մարդիկ արձագանքել այս փորձությանը, կարող եք իմանալ, եթե դիտեք ամբողջ տեսանյութը։
