Վարդանաշեն համայնքի` վերընտրված ՀՀԿ-ական ղեկավարը հրաժարականի դիմում է ներկայացրել

© Sputnik / Aram NersesyanСело Ширакамут, Лорийская область
Село Ширакамут, Лорийская область - Sputnik Արմենիա
Համայնքի ղեկավարը, վերընտրվելուց որոշ ժամանակ անց, լքել է երկիրը։

ԵՐԵՎԱՆ, 9 մարտի – Sputnik. Արմավիրի Վարդանաշեն համայնքի վերընտրված ղեկավար Արթուր Մանուկյանը հրաժարականի դիմում է ներկայացրել: Sputnik Արմենիայի հետ զրույցում այս մասին ասաց Արմավիրի մարզպետ Համբարձում Մաթևոսյանը` նշելով, որ իր հետ Մանուկյանի` պաշտոնը լքելու պատճառների հետ կապված որևէ քննարկում չի եղել։

«Մանուկյանի վերընտրվելուց հետո (2019–ի փետրվարի 17-ին) ես հանդիպել եմ նրա հետ, քննարկել առկա խնդիրների հետ կապված մի շարք հարցեր, սակայն դրանից հետո որևէ հանդիպում չի եղել։ Օրերս տեղեկացա, որ Մանուկյանը վերընտրվելուց որոշ ժամանակ անց լքել է երկիրը։ Մի քանի օր առաջ էլ մարզպետարան ուղարկեցին նրա դիմումը»,–ասաց մարզպետը։

Նա նաև ավելացրեց, որ հաջորդ շաբաթվա ընթացքում Վարդանաշեն համայնքի ղեկավարի ժամանակավոր պաշտոնակատար կնշանակի, իսկ հունիսի 9–ին արտահերթ ընտրություններ կլինեն։

Урцадзорцы собрались на акцию протеста перед домом Правительства (25 октября 2018). Еревaн - Sputnik Արմենիա
Խմելու շորերով ու հրեշտակներով գյուղապետը. Ուրցաձորը հետ բերեց հրաժարական տված գյուղապետին

Նշենք, որ ՀՀԿ–ական Արթուր Մանուկյանը համագյուղացիների դժգոհությունների և համայնքում ստեղծված լարված իրավիճակի պատճառով դեռ 2018թ. նոյեմբերի 28-ին իր լիազորությունները վաղաժամկետ դադարեցնելու վերաբերյալ դիմում էր ներկայացրել համայնքի ավագանուն։ Դիմումը բավարարվել էր:

2019-ի փետրվարի 17-ին տեղի ունեցած տեղական ինքնակառավարման մարմինների ընտրություններում նա դարձյալ առաջադրել էր իր թեկնածությունը և վերընտրվել համայնքի ղեկավարի պաշտոնում: Ի դեպ, Մանուկյանը համայնքը ղեկավարել է 2009-ից սկսած։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала