ՀՀ–ում քրեական հետապնդման են ենթարկվել 470 պաշտոնյա. Դատախազությունն ամփոփել է 2018 թ–ը

© Pixabay / Pixabay / 3839153Полицейский застегивает наручники
Полицейский застегивает наручники - Sputnik Արմենիա
Բաժանորդագրվեք
Անցած տարվա ընթացքում կոռուպցիոն բնույթի հանցագործություններով քրեական հետապնդման ենթարկված անձանց թվում «շոշափելի տեղ» են ունեցել պաշտպանության ոլորտի աշխատակիցներն ու պաշտոնյաները։

ԵՐԵՎԱՆ, 13 մարտի — Sputnik. ՀՀ գլխավոր դատախազությունն ամփոփել է 2018թ–ին կոռուպցիոն քրեական գործերի վիճակագրությունը։ 470 պաշտոնյաներից դատարանի առաջ են կանգնել 133–ը։ Այս մասին հայտնում է դատախազության մամուլի ծառայությունը։

Пленарное заседание Парламента Армении (5 марта 2019). Еревaн - Sputnik Արմենիա
Հայաստանում ի՞նչն է խանգարում կոռուպցիայի կանխարգելմանը. ԱԺ–ում փորձում են հասկանալ

2018թ–ին քննված կոռուպցիոն քրեական գործերից 206–ը հարուցվել են պաշտոնեական դիրքի օգտագործմամբ կատարված խարդախություն հոդվածով։ Այդ մեղադրանքով դատարանի առաջ են կանգնել 13 պաշտոնատար անձ։

Պաշտոնեական դիրքի օգտագործմամբ կատարված յուրացում կամ վատնում հոդվածով հարուցվել են 383 քրեական գործ, որոնցով դատարան են հասել 53 պաշտոնյա։

Պաշտոնեական լիազորությունների չարաշահում հոդվածով հարուցված 214 քրեական գործերով դատարանի առաջ են կանգնել 28 մարդ։

Պաշտոնեական լիազորություններն անցնելու մեղադրանքով 2018թ–ին հարուցվել են 115 քրեական գործ, որոնցով դատի են տրվել 6 պաշտոնատար անձ:

Деньги - Sputnik Արմենիա
Հայտնաբերված 27 մլրդ դրամի կոռուպցիայից վերականգնվել է 1 մլրդ դրամից էլ պակաս գումար

Պաշտոնեական կեղծիք կատարելու մեղադրանքով հարուցված 100 գործերով դատարան են հասել 32 անձ, փողերի լվացման մեղադրանքով հարուցված գործերով`1 անձ:

Հանրային ծառայողների կողմից ապօրինի վարձատրության, կաշառքի մեղադրանքով 2018թ–ի ընթացքում հարուցվել է 307 քրեական գործ, որոնցով դատարանի առաջ են կանգնել 108 հանրային ծառայող։

Դատախազությունը նշում է, որ կոռուպցիոն բնույթի քրեական գործերով դատի տրված պաշտոնատար անձանց համեմատաբար քիչ քանակը պայմանավորված է իրավապահ համակարգի որդեգրած՝ կոռուպցիոն գործերով պետությանը պատճառված վնասը վերականգնելու, գործուն զղջալու դեպքերում լայն խրախուսական գործիքակազմ կիրառելու քաղաքականությամբ:

Իսկ քրեական հետապնդման ենթարկվածների ընդհանուր թիվը 2018թ–ին եղել է 960–ը, որոնցից 17–ը` ոստիկանության, 3–ը` ԴԱՀԿ ծառայության, 14-ը` ՊԵԿ–ի, 1-ը` ԱԻՆ–ի, 10-ը` Քննչական կոմիտեի, 4-ը` ԱԱԾ և Զինված ուժերի, 15-ը` քրեակատարողական վարչության աշխատակիցներ։

Портмоне - Sputnik Արմենիա
ՀՀ ոստիկանությունը 2018 թվականին կոռուպցիայի ավելի շատ դեպք է բացահայտել, քան 2017–ին

Քրեական հետապնդման ենթարկված հանրային ծառայողներից 14-ը եղել են առողջապահության ոլորտի ներկայացուցիչներ, 35-ը` կրթության, 2-ը` պետական գնումների, 56-ը` սոցիալական ապահովության, 6–ը` Էներգետիկ և բնական պաշարների ոլորտի, 73-ը` տեղական ինքնակառավարման, 131–ը` պաշտպանության, 91–ը եղել են առևտրային կամ այլ կազմակերպությունների, ՍՊԸ-ների տնօրեններ, հաշվապահներ, պահեստապետներ, անտառապահներ:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала